فوتو: ©ريا نوۆوستي
اقش بۇۇ قاۋٸپسٸزدٸك كەڭەسٸنٸڭ وتىرىسىندا ۋكراينامەن قاقتىعىس ٷشٸن رەسەيدٸ سىناۋدى كٷشەيتتٸ, - دەپ حابارلايدى Tengrinews.kz اگەنتتٸگٸ اقش مەملەكەتتٸك دەپارتامەنتٸنٸڭ سايتىنا سٸلتەمە جاساپ.
اقش مەملەكەتتٸك حاتشىسى ەنتوني بلينكەن بۇۇ قاۋٸپسٸزدٸك كەڭەسٸنٸڭ وتىرىسىندا رەسەي موبيليزاتسييا جارييالاۋ ارقىلى ۋكرايناداعى قاقتىعىستىڭ شيەلەنٸسۋٸن كٷشەيتۋگە شەشٸم قابىلداعانىن ايتتى.
"پۋتين شيەلەنٸستٸ بەسەڭدەتۋ تۋرالى ەمەس, كەرٸسٸنشە شيەلەنٸستٸرۋ شەشٸمٸن قابىلدادى. حالىقارالىق تەرتٸپ بٸزدٸڭ كٶز الدىمىزدا كٷيرەپ بارادى. رەسەيدٸڭ ۋكراينانىڭ جاڭا اۋماقتارىن اننەكسييالاۋ ەرەكەتٸ تاعى بٸر قاۋٸپتٸ ەرەكەت, سونىمەن قاتار ديپلوماتييادان باس تارتۋ", - دەدٸ بلينكەن.
سىرتقى ساياسات ۆەدومستۆوسىنىڭ باسشىسى اقش-تىڭ ۋكراينانى قورعاۋىن جالعاستىرىپ, ديپلوماتييالىق شەشٸمگە كەلۋ ٷشٸن ۇستانىمىن نىعايتا بەرەتٸنٸن اتاپ ٶتتٸ.
"بۇل سوعىستى بٸر عانا ادام تاڭدادى. مۇنى بٸر ادام توقتاتا الادى. ٶيتكەنٸ رەسەي سوعىسۋدى توقتاتسا, سوعىس اياقتالادى. ۋكراينا سوعىستى توقتاتسا, ۋكراينانىڭ شارۋاسى بٸتەدٸ. پرەزيدەنت پۋتين ٶز تاڭداۋىن جاسادى. ەندٸ بۇل بٸزدٸڭ بارلىق ەلدەردٸڭ ەنشٸسٸندە", - دەپ باسا ايتتى بلينكەن.
ونىڭ ايتۋىنشا, كەڭەستٸڭ ەربٸر مٷشەسٸ رەسەيدٸڭ "ويسىز" يادرولىق قوقان-لوقىسىن دەرەۋ توقتاتۋ كەرەكتٸگٸ تۋرالى ناقتى حابارلاما جٸبەرۋٸ كەرەك.
