AQSh Kongresiniń ókilder palatasy prezident Donald Trampqa ekinshi márte impichment jariialady. Prezident adamdardy búlikke shaqyrdy dep aiyptaǵan qarardy palatanyń 232 múshesi qoldasa, 197 kongressmen qarsy daýys berdi. Trampqa impichment jariialaý týraly qaýlyǵa Ókilder palatasynyń spikeri Nensi Pelosi qol qoidy. Al, sońǵy sóz Senatta bolmaq. Bul sheshimdi maquldaýy tiis Senat aiyptaýlardy jańa prezident inaýgýratsiiasynan keiin qarastyrady.
Sheshimdi qoldaǵandar arasynda Respýblikalyq partiianyń 10 múshesi bar. Amerika tarihynda alǵash ret el prezidentine taǵylǵan aiypty onyń munsha kóp partiialasy qoldap otyr. Munyń aldynda, 2019 jyly Trampqa jariialanǵan impichmentti Respýblikalyq partiianyń birde-bir múshesi jaqtamaǵan. Buǵan deiin Kongrestegi partiialastarynyń eń kóp qarsylyǵyna ushyraǵan prezident Bill Klinton bolatyn. 1998 jyly oǵan jalǵan kýálik berdi dep aiyp taǵylǵanda, Demokratiialyq partiiadan sailanǵan 5 konrgessmen Klintonǵa qarsy daýys bergen. Keiin solardyń tórteýi Respýblikalyq partiiaǵa aýysyp ketti.
Tramp – AQSh tarihyndaǵy Kongrestiń tómengi palatasy eki ret impichment jariialaǵan alǵashqy prezident. Endi ony qyzmetinen ketirý máselesin Kongrestiń joǵarǵy palatasy – senat sheshýi kerek. Oǵan taǵylǵan aiypty senatorlardyń 3-ten 2-si qoldasa ǵana impichment júzege asady. Alaida qazir senatta qos partiiadan sailanǵandar sany teń.
Ókilder palatasy munyń aldynda Trampqa byltyr 15 qańtarda impichment jariialaǵan. Ol kezde prezident "ókiletin asyra paidalandy" dep aiyptaldy. Alaida senatta kópshilik bolyp otyrǵan respýblikashyldar ony aqtap shyqqan.
Senatorlar 19 qańtarǵa deiin demalysta. Ondaǵy kópshiliktiń jetekshisi, respýblikashyl Mitch Makonnell palatanyń tótenshe jiynyn shaqyrmaitynyn málimdedi. 20 qańtarda jańa sailanǵan prezident Djo Baidenniń inaýgýratsiiasy ótýi tiis. Soǵan deiin impichment máselesi senatta qaralýy neǵaibyl.
Byltyr qarashada prezident sailaýynda demokrat Djo Baidennen jeńilgen Donald Tramp "sailaýda burmalaý kóp boldy" dep nátijeni moiyndamai keledi. Onyń ókilderi birshama shtatta sotqa ondaǵan shaǵym túsirip, bul pikirdi dáleldei almady.
6 qańtarda Tramp qatysqan mitingiden keiin onyń ashýly jaqtastary Vashingtondaǵy Kapitolii ǵimaratyna basyp kirip, Djo Baidenniń jeńisin maquldamaq bolǵan Kongrestiń jiynyn toqtatyp, tártipsizdik jasaǵan. Oqiǵa kezinde bes adam qaza tapqan. Tramp mitingide jaqtastaryn kúsh qoldanýǵa shaqyrmaǵanyn aitty.
Oqiǵadan soń kóp uzamai Twitter men Facebook jelileri Donald Tramptyń akkaýnttaryn buǵattap tastady.
