اقش كونگرەسٸنٸڭ ٶكٸلدەر پالاتاسى پرەزيدەنت دونالد ترامپقا ەكٸنشٸ مەرتە يمپيچمەنت جارييالادى. پرەزيدەنت ادامداردى بٷلٸككە شاقىردى دەپ ايىپتاعان قاراردى پالاتانىڭ 232 مٷشەسٸ قولداسا, 197 كونگرەسسمەن قارسى داۋىس بەردٸ. ترامپقا يمپيچمەنت جارييالاۋ تۋرالى قاۋلىعا ٶكٸلدەر پالاتاسىنىڭ سپيكەرٸ نەنسي پەلوسي قول قويدى. ال, سوڭعى سٶز سەناتتا بولماق. بۇل شەشٸمدٸ ماقۇلداۋى تيٸس سەنات ايىپتاۋلاردى جاڭا پرەزيدەنت يناۋگۋراتسيياسىنان كەيٸن قاراستىرادى.
شەشٸمدٸ قولداعاندار اراسىندا رەسپۋبليكالىق پارتييانىڭ 10 مٷشەسٸ بار. امەريكا تاريحىندا العاش رەت ەل پرەزيدەنتٸنە تاعىلعان ايىپتى ونىڭ مۇنشا كٶپ پارتييالاسى قولداپ وتىر. مۇنىڭ الدىندا, 2019 جىلى ترامپقا جارييالانعان يمپيچمەنتتٸ رەسپۋبليكالىق پارتييانىڭ بٸردە-بٸر مٷشەسٸ جاقتاماعان. بۇعان دەيٸن كونگرەستەگٸ پارتييالاستارىنىڭ ەڭ كٶپ قارسىلىعىنا ۇشىراعان پرەزيدەنت بيلل كلينتون بولاتىن. 1998 جىلى وعان جالعان كۋەلٸك بەردٸ دەپ ايىپ تاعىلعاندا, دەموكراتييالىق پارتييادان سايلانعان 5 كونرگەسسمەن كلينتونعا قارسى داۋىس بەرگەن. كەيٸن سولاردىڭ تٶرتەۋٸ رەسپۋبليكالىق پارتيياعا اۋىسىپ كەتتٸ.
ترامپ – اقش تاريحىنداعى كونگرەستٸڭ تٶمەنگٸ پالاتاسى ەكٸ رەت يمپيچمەنت جارييالاعان العاشقى پرەزيدەنت. ەندٸ ونى قىزمەتٸنەن كەتٸرۋ مەسەلەسٸن كونگرەستٸڭ جوعارعى پالاتاسى – سەنات شەشۋٸ كەرەك. وعان تاعىلعان ايىپتى سەناتورلاردىڭ 3-تەن 2-سٸ قولداسا عانا يمپيچمەنت جٷزەگە اسادى. الايدا قازٸر سەناتتا قوس پارتييادان سايلانعاندار سانى تەڭ.
ٶكٸلدەر پالاتاسى مۇنىڭ الدىندا ترامپقا بىلتىر 15 قاڭتاردا يمپيچمەنت جارييالاعان. ول كەزدە پرەزيدەنت "ٶكٸلەتٸن اسىرا پايدالاندى" دەپ ايىپتالدى. الايدا سەناتتا كٶپشٸلٸك بولىپ وتىرعان رەسپۋبليكاشىلدار ونى اقتاپ شىققان.
سەناتورلار 19 قاڭتارعا دەيٸن دەمالىستا. ونداعى كٶپشٸلٸكتٸڭ جەتەكشٸسٸ, رەسپۋبليكاشىل ميتچ ماكوننەلل پالاتانىڭ تٶتەنشە جيىنىن شاقىرمايتىنىن مەلٸمدەدٸ. 20 قاڭتاردا جاڭا سايلانعان پرەزيدەنت دجو بايدەننٸڭ يناۋگۋراتسيياسى ٶتۋٸ تيٸس. سوعان دەيٸن يمپيچمەنت مەسەلەسٸ سەناتتا قارالۋى نەعايبىل.
بىلتىر قاراشادا پرەزيدەنت سايلاۋىندا دەموكرات دجو بايدەننەن جەڭٸلگەن دونالد ترامپ "سايلاۋدا بۇرمالاۋ كٶپ بولدى" دەپ نەتيجەنٸ مويىنداماي كەلەدٸ. ونىڭ ٶكٸلدەرٸ بٸرشاما شتاتتا سوتقا ونداعان شاعىم تٷسٸرٸپ, بۇل پٸكٸردٸ دەلەلدەي المادى.
6 قاڭتاردا ترامپ قاتىسقان ميتينگٸدەن كەيٸن ونىڭ اشۋلى جاقتاستارى ۆاشينگتونداعى كاپيتوليي عيماراتىنا باسىپ كٸرٸپ, دجو بايدەننٸڭ جەڭٸسٸن ماقۇلداماق بولعان كونگرەستٸڭ جيىنىن توقتاتىپ, تەرتٸپسٸزدٸك جاساعان. وقيعا كەزٸندە بەس ادام قازا تاپقان. ترامپ ميتينگٸدە جاقتاستارىن كٷش قولدانۋعا شاقىرماعانىن ايتتى.
وقيعادان سوڭ كٶپ ۇزاماي Twitter مەن Facebook جەلٸلەرٸ دونالد ترامپتىڭ اككاۋنتتارىن بۇعاتتاپ تاستادى.
