AQSh elshiligi qazaqstandyqtar úshin viza berýdi jeńildetýdi, iaǵni áńgimelesý protsedýrasyn joiýdy josparlap otyr. Bul týraly AQSh-tyń Qazaqstandaǵy elshisi Deniel Rozenbliým málimdedi, - dep habarlaidy Tengrinews.kz agenttigi.
"Viza merzimin uzartý qaralyp jatqan joq. Bul bolashaqqa arnalǵan jospar. Biraq biz Qazaqstan Úkimetimen uzaq merzimge viza berýdi qalai jaqsartýǵa bolatynyn talqylap jatyrmyz. Biraq bul ekijaqty kirý bolýy kerek. Biz qazaqstandyqtardy Amerika Qurama Shtattaryna, al amerikalyqtardy Qazaqstanǵa shaqyramyz, bul elder arasyndaǵy dostyq qarym-qatynastardyń kepili bolady.
Qazir biz jasap jatqan sharalardyń keibiri vizany kútý ýaqytyn qysqartady", - dedi Rozenbliým.
Sonymen qatar, elshi AQSh qaýipsiz bolýy úshin viza berý saiasatynda óte muqiiat ekenin aitty.
"Naqty paiyzdy aita almaimyn, biraq týristik vizamen ketip, sol jerde jumys istep qalǵan, viza merzimi bitkenine qaramastan qalǵan jaǵdailar da jii kezdesti. Sondyqtan áńgimelesý kezinde bizdiń konsýldar adamdardyń zańnyń saqtalýyna kóz jetkizý úshin óte qiyn suraqtar qoiady", - dedi ol.
Astana men Niý-Iork arasynda tikelei áýeqatynasyn ashý týraly suraqqa jaýap bergen diplomat bul taqyryp elder arasyndaǵy turaqty áńgime ekenin aitty.
"Bul reisti ashýǵa eki tarap ta múddeli. Biraq, bul óte kúrdeli másele, eskerý qajet kóptegen erejeler bar. Atap aitqanda, biz AQSh aviatsiia qaýymdastyǵymen sóilesip jatyrmyz. Bul erteń nemese bir aidan keiin sheshiletin másele emes, biraq jaqyn arada bolatynyna senimdimiz", - dedi Rozenbliým.
