اقش ەلشٸلٸگٸ قازاقستاندىقتار ٷشٸن ۆيزا بەرۋدٸ جەڭٸلدەتۋدٸ, ياعني ەڭگٸمەلەسۋ پروتسەدۋراسىن جويۋدى جوسپارلاپ وتىر. بۇل تۋرالى اقش-تىڭ قازاقستانداعى ەلشٸسٸ دەنيەل روزەنبليۋم مەلٸمدەدٸ, - دەپ حابارلايدى Tengrinews.kz اگەنتتٸگٸ.
"ۆيزا مەرزٸمٸن ۇزارتۋ قارالىپ جاتقان جوق. بۇل بولاشاققا ارنالعان جوسپار. بٸراق بٸز قازاقستان ٷكٸمەتٸمەن ۇزاق مەرزٸمگە ۆيزا بەرۋدٸ قالاي جاقسارتۋعا بولاتىنىن تالقىلاپ جاتىرمىز. بٸراق بۇل ەكٸجاقتى كٸرۋ بولۋى كەرەك. بٸز قازاقستاندىقتاردى امەريكا قۇراما شتاتتارىنا, ال امەريكالىقتاردى قازاقستانعا شاقىرامىز, بۇل ەلدەر اراسىنداعى دوستىق قارىم-قاتىناستاردىڭ كەپٸلٸ بولادى.
قازٸر بٸز جاساپ جاتقان شارالاردىڭ كەيبٸرٸ ۆيزانى كٷتۋ ۋاقىتىن قىسقارتادى", - دەدٸ روزەنبليۋم.
سونىمەن قاتار, ەلشٸ اقش قاۋٸپسٸز بولۋى ٷشٸن ۆيزا بەرۋ ساياساتىندا ٶتە مۇقييات ەكەنٸن ايتتى.
"ناقتى پايىزدى ايتا المايمىن, بٸراق تۋريستٸك ۆيزامەن كەتٸپ, سول جەردە جۇمىس ٸستەپ قالعان, ۆيزا مەرزٸمٸ بٸتكەنٸنە قاراماستان قالعان جاعدايلار دا جيٸ كەزدەستٸ. سوندىقتان ەڭگٸمەلەسۋ كەزٸندە بٸزدٸڭ كونسۋلدار ادامداردىڭ زاڭنىڭ ساقتالۋىنا كٶز جەتكٸزۋ ٷشٸن ٶتە قيىن سۇراقتار قويادى", - دەدٸ ول.
استانا مەن نيۋ-يورك اراسىندا تٸكەلەي ەۋەقاتىناسىن اشۋ تۋرالى سۇراققا جاۋاپ بەرگەن ديپلومات بۇل تاقىرىپ ەلدەر اراسىنداعى تۇراقتى ەڭگٸمە ەكەنٸن ايتتى.
"بۇل رەيستٸ اشۋعا ەكٸ تاراپ تا مٷددەلٸ. بٸراق, بۇل ٶتە كٷردەلٸ مەسەلە, ەسكەرۋ قاجەت كٶپتەگەن ەرەجەلەر بار. اتاپ ايتقاندا, بٸز اقش اۆياتسييا قاۋىمداستىعىمەن سٶيلەسٸپ جاتىرمىز. بۇل ەرتەڭ نەمەسە بٸر ايدان كەيٸن شەشٸلەتٸن مەسەلە ەمەس, بٸراق جاقىن ارادا بولاتىنىنا سەنٸمدٸمٸز", - دەدٸ روزەنبليۋم.
