Aqmola oblysynda aýrýhanada namaz bólmesin ashty dep aiyptalǵan dáriger aqtalyp shyqty, dep habarlady Sputnik Qazaqstan tilshisi sot qaýlysyna silteme jasap.
Din isteri basqarmasy "Aqmola oblystyq aýrýhanasy" MKK anesteziologiia jáne kardioreanimatsiia bóliminiń 33 jastaǵy meńgerýshisine qatysty Qazaqstan Respýblikasy Ákimshilik quqyq buzýshylyq týraly kodeksiniń 490-baby 1-bóliginiń 1-tarmaǵy – "Dini ǵuryptarǵa qoiylatyn talaptardy buzý" boiynsha ákimshilik hattama toltyrǵan. Olardyń aitýynsha, dáriger keńsede ruqsatsyz jáne tirkeýsiz namaz bólmesin ashyp, onda qulshylyq jasaǵan jáne dini materialdar men zattardy saqtaǵan.
Kókshetaý ákimshilik soty quqybuzýshylyqtyń bolmaýyna bailanysty namazhan dárigerge qatysty isti toqtatty, sebebi oblystyq aýrýhana memlekettik mekemege jatpaidy.
Prokýratýra Qazaqstan Respýblikasynyń "Halyq densaýlyǵy jáne densaýlyq saqtaý júiesi týraly" kodeksine sáikes memlekettik sektor memlekettik menshikke negizdelgen uiymdardan turatynyn, oǵan Aqmola oblystyq aýrýhanasy da kiretinin alǵa tartyp, narazylyq bildirdi.
Protsess kezinde dáriger K. jumys júktemesine bailanysty barlyq dáriger demalatyn bólmede namaz oqitynyn túsindirdi. Aýrýhanada keńesýge arnalǵan ordinatorlyq bólme bar. Dárigerdiń eki kýágeri namazdy meńgerýshiniń bólmesinde nemese ordinatorlyq bólmede oqitynyn aitty.
Apelliatsiialyq sot dárigerlerdiń keńsede oqyǵan namazyn namazhana uiymdastyrdy dep qarastyrýǵa bolmaidy jáne jergilikti atqarýshy organdarda tirkeý qajet emes dep tapty.
Sot Kókshetaý ákimshilik sotynyń sheshimin kúshinde qaldyrý týraly qaýly shyǵardy.
