اقمولا وبلىسىندا اۋرۋحانادا ناماز بٶلمەسٸن اشتى دەپ ايىپتالعان دەرٸگەر اقتالىپ شىقتى, دەپ حابارلادى Sputnik قازاقستان تٸلشٸسٸ سوت قاۋلىسىنا سٸلتەمە جاساپ.
دٸن ٸستەرٸ باسقارماسى "اقمولا وبلىستىق اۋرۋحاناسى" مكك انەستەزيولوگييا جەنە كارديورەانيماتسييا بٶلٸمٸنٸڭ 33 جاستاعى مەڭگەرۋشٸسٸنە قاتىستى قازاقستان رەسپۋبليكاسى ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 490-بابى 1-بٶلٸگٸنٸڭ 1-تارماعى – "دٸني عۇرىپتارعا قويىلاتىن تالاپتاردى بۇزۋ" بويىنشا ەكٸمشٸلٸك حاتتاما تولتىرعان. ولاردىڭ ايتۋىنشا, دەرٸگەر كەڭسەدە رۇقساتسىز جەنە تٸركەۋسٸز ناماز بٶلمەسٸن اشىپ, وندا قۇلشىلىق جاساعان جەنە دٸني ماتەريالدار مەن زاتتاردى ساقتاعان.
كٶكشەتاۋ ەكٸمشٸلٸك سوتى قۇقىبۇزۋشىلىقتىڭ بولماۋىنا بايلانىستى نامازحان دەرٸگەرگە قاتىستى ٸستٸ توقتاتتى, سەبەبٸ وبلىستىق اۋرۋحانا مەملەكەتتٸك مەكەمەگە جاتپايدى.
پروكۋراتۋرا قازاقستان رەسپۋبليكاسىنىڭ "حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى" كودەكسٸنە سەيكەس مەملەكەتتٸك سەكتور مەملەكەتتٸك مەنشٸككە نەگٸزدەلگەن ۇيىمداردان تۇراتىنىن, وعان اقمولا وبلىستىق اۋرۋحاناسى دا كٸرەتٸنٸن العا تارتىپ, نارازىلىق بٸلدٸردٸ.
پروتسەسس كەزٸندە دەرٸگەر ك. جۇمىس جٷكتەمەسٸنە بايلانىستى بارلىق دەرٸگەر دەمالاتىن بٶلمەدە ناماز وقيتىنىن تٷسٸندٸردٸ. اۋرۋحانادا كەڭەسۋگە ارنالعان ورديناتورلىق بٶلمە بار. دەرٸگەردٸڭ ەكٸ كۋەگەرٸ نامازدى مەڭگەرۋشٸنٸڭ بٶلمەسٸندە نەمەسە ورديناتورلىق بٶلمەدە وقيتىنىن ايتتى.
اپەللياتسييالىق سوت دەرٸگەرلەردٸڭ كەڭسەدە وقىعان نامازىن نامازحانا ۇيىمداستىردى دەپ قاراستىرۋعا بولمايدى جەنە جەرگٸلٸكتٸ اتقارۋشى ورگانداردا تٸركەۋ قاجەت ەمەس دەپ تاپتى.
سوت كٶكشەتاۋ ەكٸمشٸلٸك سوتىنىڭ شەشٸمٸن كٷشٸندە قالدىرۋ تۋرالى قاۋلى شىعاردى.
