Aqmola oblysynda bir úide alty adam iis tiip aýrýhanaǵa tústi, onyń beseýi bala, dep habarlaidy QazAqparat tilshisi oblystyq TJD baspasóz qyzmetine silteme jasap.
«Naýryzdyń 29 kúni túngi saǵat 22:35 shamasynda Nur-Sultan qalasyndaǵy Kúshter men quraldardy jedel basqarý ortalyǵynan Aqmola oblysynyń TJD Daǵdarystyq jaǵdailardy basqarý ortalyǵyna Tselinograd aýdanynyń Qyzyljar aýylynda alty adam iisten ýlanǵany (onyń ishinde bes bala) týraly telefon arqyly habarlandy. Olardyń barlyǵy saǵat 23:00 iisten ýlaný belgisimen Nur-Sultan qalalyq kópbeiindi aýrýhanasyna jatqyzyldy. Qazirgi kezde zardap shekkenderdiń jaǵdaiy turaqty», - dedi vedomstvodan.
TJD baspasóz qyzmetinen atap ótkendei, qatty jelden jeke turǵyn úidegi peshtiń murjasy qulaǵan. Sonyń saldarynan iis shyǵyp, úidegi adamdar ýlanyp qalǵan.
