اقمولا وبلىسىندا بٸر ٷيدە التى ادام يٸس تيٸپ اۋرۋحاناعا تٷستٸ, ونىڭ بەسەۋٸ بالا, دەپ حابارلايدى قازاقپارات تٸلشٸسٸ وبلىستىق تجد باسپاسٶز قىزمەتٸنە سٸلتەمە جاساپ.
«ناۋرىزدىڭ 29 كٷنٸ تٷنگٸ ساعات 22:35 شاماسىندا نۇر-سۇلتان قالاسىنداعى كٷشتەر مەن قۇرالداردى جەدەل باسقارۋ ورتالىعىنان اقمولا وبلىسىنىڭ تجد داعدارىستىق جاعدايلاردى باسقارۋ ورتالىعىنا تسەلينوگراد اۋدانىنىڭ قىزىلجار اۋىلىندا التى ادام يٸستەن ۋلانعانى (ونىڭ ٸشٸندە بەس بالا) تۋرالى تەلەفون ارقىلى حابارلاندى. ولاردىڭ بارلىعى ساعات 23:00 يٸستەن ۋلانۋ بەلگٸسٸمەن نۇر-سۇلتان قالالىق كٶپبەيٸندٸ اۋرۋحاناسىنا جاتقىزىلدى. قازٸرگٸ كەزدە زارداپ شەككەندەردٸڭ جاعدايى تۇراقتى», - دەدٸ ۆەدومستۆودان.
تجد باسپاسٶز قىزمەتٸنەن اتاپ ٶتكەندەي, قاتتى جەلدەن جەكە تۇرعىن ٷيدەگٸ پەشتٸڭ مۇرجاسى قۇلاعان. سونىڭ سالدارىنان يٸس شىعىپ, ٷيدەگٸ ادامدار ۋلانىپ قالعان.
