Foto: QR TJM
Óńirlerdegi ákimdikter sý tasqyny bolatynyn qysta eskertken. Bul týraly úkimette "Qazgidromet" RMK bas direktory Danara Álimbaeva málim etti, - dep habarlaidy «Ult aqparat» Tengrinews.kz -ke silteme jasap.
Álimbaevanyń aitýynsha, búginde Aqtóbe oblysynda sý tasqynynyń sharyqtaý shegi tómendep keledi.
"Soltústik Qazaqstan, Aqmola, Qaraǵandy, Shyǵys Qazaqstan, Aqtóbe, Qostanai oblystarynda sý deńgeiiniń kóterilgeni baiqalady. Batys Qazaqstan oblysynda sý deńgeii kóteriledi dep kútiledi. Transshekaralyq ózender boiynda sý deńgeii kóteriledi. Qazir sý deńgeii kóterilip jatyr, jaqyn arada, apta aiaǵynda, jumadan bastap bolady dep kútemiz", - dedi "Qazgidromet" direktory.
Onyń aitýynsha, sinoptikter sý tasqyny bolýy múmkin aimaqtar týraly aqparatty qysta bergen.
"Jeltoqsannan bastap sý basý qaýpi bar óńirler bolatynyn aityp jatyrmyz, bul Aqtóbe, Atyraý, Qostanai, Qaraǵandy, Shyǵys Qazaqstan oblystary men Abai oblysynda. Bul aimaqtarda sý tasqyny qaýpi joǵary boldy. Bul aqparat jergilikti atqarýshy organdarǵa joldandy. Onyń ústine, naýryzdan beri 100-den asa aýa raiy týraly eskertý jasaldy", - dedi ol.
