فوتو: قر تجم
ٶڭٸرلەردەگٸ ەكٸمدٸكتەر سۋ تاسقىنى بولاتىنىن قىستا ەسكەرتكەن. بۇل تۋرالى ٷكٸمەتتە "قازگيدرومەت" رمك باس ديرەكتورى دانارا ەلٸمباەۆا مەلٸم ەتتٸ, - دەپ حابارلايدى «ۇلت اقپارات» Tengrinews.kz -كە سٸلتەمە جاساپ.
ەلٸمباەۆانىڭ ايتۋىنشا, بٷگٸندە اقتٶبە وبلىسىندا سۋ تاسقىنىنىڭ شارىقتاۋ شەگٸ تٶمەندەپ كەلەدٸ.
"سولتٷستٸك قازاقستان, اقمولا, قاراعاندى, شىعىس قازاقستان, اقتٶبە, قوستاناي وبلىستارىندا سۋ دەڭگەيٸنٸڭ كٶتەرٸلگەنٸ بايقالادى. باتىس قازاقستان وبلىسىندا سۋ دەڭگەيٸ كٶتەرٸلەدٸ دەپ كٷتٸلەدٸ. ترانسشەكارالىق ٶزەندەر بويىندا سۋ دەڭگەيٸ كٶتەرٸلەدٸ. قازٸر سۋ دەڭگەيٸ كٶتەرٸلٸپ جاتىر, جاقىن ارادا, اپتا اياعىندا, جۇمادان باستاپ بولادى دەپ كٷتەمٸز", - دەدٸ "قازگيدرومەت" ديرەكتورى.
ونىڭ ايتۋىنشا, سينوپتيكتەر سۋ تاسقىنى بولۋى مٷمكٸن ايماقتار تۋرالى اقپاراتتى قىستا بەرگەن.
"جەلتوقساننان باستاپ سۋ باسۋ قاۋپٸ بار ٶڭٸرلەر بولاتىنىن ايتىپ جاتىرمىز, بۇل اقتٶبە, اتىراۋ, قوستاناي, قاراعاندى, شىعىس قازاقستان وبلىستارى مەن اباي وبلىسىندا. بۇل ايماقتاردا سۋ تاسقىنى قاۋپٸ جوعارى بولدى. بۇل اقپارات جەرگٸلٸكتٸ اتقارۋشى ورگاندارعا جولداندى. ونىڭ ٷستٸنە, ناۋرىزدان بەرٸ 100-دەن اسا اۋا رايى تۋرالى ەسكەرتۋ جاسالدى", - دەدٸ ول.
