Qazaqstan – AHQO-nyń qarjylyq qyzmetter kórsetýdi retteý jónindegi komiteti (AFSA) keńes berý men yntymaqtastyq jáne aqparat almasý týraly Baǵaly qaǵazdar jónindegi komissiialardyń halyqaralyq uiymynyń (IOSCO) Keńeitilgen kópjaqty ózara túsinistik týraly memorandýmyna (EMMoU) qol qoiýshy boldy.
Bul másele boiynsha sheshim 9-18 qarasha aralyǵynda virtýaldy túrde ótken IOSCO jyl saiynǵy jinalysynyń sheńberinde qabyldandy. Atap aitqanda, AFSA tutynýshylardy qorǵaý, mindetti aiǵaqtar alý jáne aýditorlyq qujattarmen almasý úshin aktivterdi májbúrlep toqtatý salasynda transshekaralyq yntymaqtastyqty júzege asyrýǵa múmkindik beretin A2 qosymshasyna (ACF ókilettigi) qol qoidy.
EMMoU Kópjaqty ózara túsinistik memorandýmyn (MMoU) tolyqtyratyn baǵaly qaǵazdar men týyndy qarjy quraldary týraly zańdar men erejelerdi saqtaýdy qamtamasyz etýdegi halyqaralyq yntymaqtastyqtyń álemdik baǵdary bolyp tabylady. 2002 jyly qabyldanǵan alǵashqy MMoU halyqaralyq transshekaralyq yntymaqtastyq pen retteýshi organdar arasyndaǵy baǵaly qaǵazdar týraly aqparat almasý úshin jahandyq negiz jasady. Alaida, kapital naryqtarynyń jumys isteý protsesiniń kúrdeliligin jáne sońǵy tehnologiialyq jetistikterdi eskere otyryp, 2016 jyly IOSCO Keńeitilgen kópjaqty ózara túsinistik týraly memorandýmdy qabyldady. EMMoU qol qoiýshylary bir-birine quqyq qorǵaý organdarynyń transshekaralyq yntymaqtastyǵyndaǵy kómektiń jańa nysandaryn usynýǵa kelisedi, mysaly, tutynýshylardy qorǵaý úshin aktivterdi toqtatý, májbúrli aiǵaqtar alý, aýditorlyq qujattarmen almasý jáne t.b. EMMoU týraly tolyǵyraq aqparatty myna jerden tabýǵa bolady.
AFSA EMMoU-ǵa qol qoiǵan Ortalyq jáne Shyǵys Eýropa, Ortalyq Aziia jáne Kavkaz óńirindegi alǵashqy retteýshi boldy. AFSA álemdik ozyq tájiribeni jetildirý jónindegi jumysty odan ári jalǵastyrýǵa jáne neǵurlym keń halyqaralyq yntymaqtastyqqa jáne baǵaly qaǵazdardy retteý organdarynyń qoldaýyna yqpal etýge niettenedi.
«Biz úshin IOSCO-nyń Keńeitilgen MMoU-na qol qoiý mańyzdy, óitkeni biz quqyq qoldaný salasyndaǵy transshekaralyq yntymaqtastyqqa daiynbyz jáne ashyqpyz. Kapital naryqtary jahandanǵan jáne ózara bailanysty ortada jumys isteidi jáne biz halyqaralyq yntymaqtastyq pen baǵaly qaǵazdar týraly zańdardyń saqtalýyn qamtamasyz etý arqyly naryqtyń tutastyǵyn saqtap, qarjylyq qyzmet tutynýshylaryn qorǵai alatynymyzǵa senimdimiz», - dedi AFSA-nyń Bas direktory Muhtar Bóbeev.
Aita keterligi, AHQO-nyń Qarjylyq qyzmetter kórsetýdi retteý jónindegi komiteti (AFSA) – Astana halyqaralyq qarjy ortalyǵynda qarjylyq qyzmetterdi jáne onymen bailanysty qyzmetti retteý maqsatynda «Astana halyqaralyq qarjy ortalyǵy týraly» Qazaqstan Respýblikasynyń Konstitýtsiialyq zańyna sáikes qurylǵan AHQO-nyń táýelsiz retteýshisi. AHQO erejeleri qarjy kompaniialary men naryq institýttaryn litsenziialaýdy, tirkeýdi, akkreditteýdi jáne qadaǵalaýdy qamtamasyz etedi.
Al, Baǵaly qaǵazdar jónindegi komissiialardyń halyqaralyq uiymy (IOSCO) – ulttyq retteýshilerdi biriktiretin jáne baǵaly qaǵazdar naryǵyn retteýdiń álemdik ereje shyǵarýshy uiymy retinde tanylǵan halyqaralyq qarjy uiymy. IOSCO baǵaly qaǵazdardy retteýdiń halyqaralyq tanylǵan standarttaryn ázirleidi, engizedi jáne olardyń oryndalýyna yqpal etedi. Uiym G20 jáne Qarjylyq turaqtylyq jónindegi keńespen (FSB) jahandyq retteýshi reforma boiynsha belsendi seriktes.
