قازاقستان – احقو-نىڭ قارجىلىق قىزمەتتەر كٶرسەتۋدٸ رەتتەۋ جٶنٸندەگٸ كوميتەتٸ (افسا) كەڭەس بەرۋ مەن ىنتىماقتاستىق جەنە اقپارات الماسۋ تۋرالى باعالى قاعازدار جٶنٸندەگٸ كوميسسييالاردىڭ حالىقارالىق ۇيىمىنىڭ (IOSCO) كەڭەيتٸلگەن كٶپجاقتى ٶزارا تٷسٸنٸستٸك تۋرالى مەموراندۋمىنا (EMMoU) قول قويۋشى بولدى.
بۇل مەسەلە بويىنشا شەشٸم 9-18 قاراشا ارالىعىندا ۆيرتۋالدى تٷردە ٶتكەن IOSCO جىل سايىنعى جينالىسىنىڭ شەڭبەرٸندە قابىلداندى. اتاپ ايتقاندا, افسا تۇتىنۋشىلاردى قورعاۋ, مٸندەتتٸ ايعاقتار الۋ جەنە اۋديتورلىق قۇجاتتارمەن الماسۋ ٷشٸن اكتيۆتەردٸ مەجبٷرلەپ توقتاتۋ سالاسىندا ترانسشەكارالىق ىنتىماقتاستىقتى جٷزەگە اسىرۋعا مٷمكٸندٸك بەرەتٸن ا2 قوسىمشاسىنا (ACF ٶكٸلەتتٸگٸ) قول قويدى.
EMMoU كٶپجاقتى ٶزارا تٷسٸنٸستٸك مەموراندۋمىن (MMoU) تولىقتىراتىن باعالى قاعازدار مەن تۋىندى قارجى قۇرالدارى تۋرالى زاڭدار مەن ەرەجەلەردٸ ساقتاۋدى قامتاماسىز ەتۋدەگٸ حالىقارالىق ىنتىماقتاستىقتىڭ ەلەمدٸك باعدارى بولىپ تابىلادى. 2002 جىلى قابىلدانعان العاشقى MMoU حالىقارالىق ترانسشەكارالىق ىنتىماقتاستىق پەن رەتتەۋشٸ ورگاندار اراسىنداعى باعالى قاعازدار تۋرالى اقپارات الماسۋ ٷشٸن جاھاندىق نەگٸز جاسادى. الايدا, كاپيتال نارىقتارىنىڭ جۇمىس ٸستەۋ پروتسەسٸنٸڭ كٷردەلٸلٸگٸن جەنە سوڭعى تەحنولوگييالىق جەتٸستٸكتەردٸ ەسكەرە وتىرىپ, 2016 جىلى IOSCO كەڭەيتٸلگەن كٶپجاقتى ٶزارا تٷسٸنٸستٸك تۋرالى مەموراندۋمدى قابىلدادى. EMMoU قول قويۋشىلارى بٸر-بٸرٸنە قۇقىق قورعاۋ ورگاندارىنىڭ ترانسشەكارالىق ىنتىماقتاستىعىنداعى كٶمەكتٸڭ جاڭا نىساندارىن ۇسىنۋعا كەلٸسەدٸ, مىسالى, تۇتىنۋشىلاردى قورعاۋ ٷشٸن اكتيۆتەردٸ توقتاتۋ, مەجبٷرلٸ ايعاقتار الۋ, اۋديتورلىق قۇجاتتارمەن الماسۋ جەنە ت.ب. EMMoU تۋرالى تولىعىراق اقپاراتتى مىنا جەردەن تابۋعا بولادى.
افسا EMMoU-عا قول قويعان ورتالىق جەنە شىعىس ەۋروپا, ورتالىق ازييا جەنە كاۆكاز ٶڭٸرٸندەگٸ العاشقى رەتتەۋشٸ بولدى. افسا ەلەمدٸك وزىق تەجٸريبەنٸ جەتٸلدٸرۋ جٶنٸندەگٸ جۇمىستى ودان ەرٸ جالعاستىرۋعا جەنە نەعۇرلىم كەڭ حالىقارالىق ىنتىماقتاستىققا جەنە باعالى قاعازداردى رەتتەۋ ورگاندارىنىڭ قولداۋىنا ىقپال ەتۋگە نيەتتەنەدٸ.
«بٸز ٷشٸن IOSCO-نىڭ كەڭەيتٸلگەن MMoU-نا قول قويۋ ماڭىزدى, ٶيتكەنٸ بٸز قۇقىق قولدانۋ سالاسىنداعى ترانسشەكارالىق ىنتىماقتاستىققا دايىنبىز جەنە اشىقپىز. كاپيتال نارىقتارى جاھاندانعان جەنە ٶزارا بايلانىستى ورتادا جۇمىس ٸستەيدٸ جەنە بٸز حالىقارالىق ىنتىماقتاستىق پەن باعالى قاعازدار تۋرالى زاڭداردىڭ ساقتالۋىن قامتاماسىز ەتۋ ارقىلى نارىقتىڭ تۇتاستىعىن ساقتاپ, قارجىلىق قىزمەت تۇتىنۋشىلارىن قورعاي الاتىنىمىزعا سەنٸمدٸمٸز», - دەدٸ افسا-نىڭ باس ديرەكتورى مۇحتار بٶبەەۆ.
ايتا كەتەرلٸگٸ, احقو-نىڭ قارجىلىق قىزمەتتەر كٶرسەتۋدٸ رەتتەۋ جٶنٸندەگٸ كوميتەتٸ (AFSA) – استانا حالىقارالىق قارجى ورتالىعىندا قارجىلىق قىزمەتتەردٸ جەنە ونىمەن بايلانىستى قىزمەتتٸ رەتتەۋ ماقساتىندا «استانا حالىقارالىق قارجى ورتالىعى تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا سەيكەس قۇرىلعان احقو-نىڭ تەۋەلسٸز رەتتەۋشٸسٸ. احقو ەرەجەلەرٸ قارجى كومپانييالارى مەن نارىق ينستيتۋتتارىن ليتسەنزييالاۋدى, تٸركەۋدٸ, اككرەديتتەۋدٸ جەنە قاداعالاۋدى قامتاماسىز ەتەدٸ.
ال, باعالى قاعازدار جٶنٸندەگٸ كوميسسييالاردىڭ حالىقارالىق ۇيىمى (IOSCO) – ۇلتتىق رەتتەۋشٸلەردٸ بٸرٸكتٸرەتٸن جەنە باعالى قاعازدار نارىعىن رەتتەۋدٸڭ ەلەمدٸك ەرەجە شىعارۋشى ۇيىمى رەتٸندە تانىلعان حالىقارالىق قارجى ۇيىمى. IOSCO باعالى قاعازداردى رەتتەۋدٸڭ حالىقارالىق تانىلعان ستاندارتتارىن ەزٸرلەيدٸ, ەنگٸزەدٸ جەنە ولاردىڭ ورىندالۋىنا ىقپال ەتەدٸ. ۇيىم G20 جەنە قارجىلىق تۇراقتىلىق جٶنٸندەگٸ كەڭەسپەن (FSB) جاھاندىق رەتتەۋشٸ رەفورما بويىنشا بەلسەندٸ سەرٸكتەس.
