QR Energetika ministri Bolat Aqsholaqovtyń aitýynsha, «aq mainerler» kesheden beri elektr júiesine qaita qosylyp, jumystaryn jandandyrýǵa múmkindik alǵan, dep habarlaidy QazAqparat.
Nur-Sultan qalasynyń turǵyndarymen kezdesýinde Energetika ministri «aq» mainerler» sanatyna jatatyn zańdy mainingpen ainalysýshy kásiporyndardyń kesheden bastap jumystaryn qaita jandandyrýǵa ruqsat alǵanyn atap ótti.
Ministr bul málimetti keiin BAQ ókilderiniń saýalyna jaýap bergen kezde de rastady.
«Biz buǵan deiin «aq mainerge» resmi tirkelgen kompaniialar jatýy kerek degen bolatynbyz, esterińizde shyǵar. Ondai kásiporyndar salyq tóleýshi bolyp esepteledi. Eń bastysy, olar ózderi satyp alǵan, tikelei menshigindegi qondyrǵylardy paidalanady. Iaǵni, mainingpen ainalysýǵa qajet qondyrǵylary kedendik rásimdeýden ótken, alym-salyǵy tólengen bolýy shart. Osy talapqa sai bolsa, qolda bar múmkindikter sheginde elektr tutynýyn qarastyrýǵa bolady. Biraq taǵy da aitamyn, eger elektr júiesi tapshylyq sezetindei jaǵdai týyndasa, olardy birden ajyratamyz. Meniń bilýimshe «aq mainerler» kesheden beri jumys istep bastady», - dedi Bolat Aqsholaqov.
