قر ەنەرگەتيكا مينيسترٸ بولات اقشولاقوۆتىڭ ايتۋىنشا, «اق ماينەرلەر» كەشەدەن بەرٸ ەلەكتر جٷيەسٸنە قايتا قوسىلىپ, جۇمىستارىن جانداندىرۋعا مٷمكٸندٸك العان, دەپ حابارلايدى قازاقپارات.
نۇر-سۇلتان قالاسىنىڭ تۇرعىندارىمەن كەزدەسۋٸندە ەنەرگەتيكا مينيسترٸ «اق» ماينەرلەر» ساناتىنا جاتاتىن زاڭدى ماينينگپەن اينالىسۋشى كەسٸپورىنداردىڭ كەشەدەن باستاپ جۇمىستارىن قايتا جانداندىرۋعا رۇقسات العانىن اتاپ ٶتتٸ.
مينيستر بۇل مەلٸمەتتٸ كەيٸن باق ٶكٸلدەرٸنٸڭ ساۋالىنا جاۋاپ بەرگەن كەزدە دە راستادى.
«بٸز بۇعان دەيٸن «اق ماينەرگە» رەسمي تٸركەلگەن كومپانييالار جاتۋى كەرەك دەگەن بولاتىنبىز, ەستەرٸڭٸزدە شىعار. ونداي كەسٸپورىندار سالىق تٶلەۋشٸ بولىپ ەسەپتەلەدٸ. ەڭ باستىسى, ولار ٶزدەرٸ ساتىپ العان, تٸكەلەي مەنشٸگٸندەگٸ قوندىرعىلاردى پايدالانادى. ياعني, ماينينگپەن اينالىسۋعا قاجەت قوندىرعىلارى كەدەندٸك رەسٸمدەۋدەن ٶتكەن, الىم-سالىعى تٶلەنگەن بولۋى شارت. وسى تالاپقا ساي بولسا, قولدا بار مٷمكٸندٸكتەر شەگٸندە ەلەكتر تۇتىنۋىن قاراستىرۋعا بولادى. بٸراق تاعى دا ايتامىن, ەگەر ەلەكتر جٷيەسٸ تاپشىلىق سەزەتٸندەي جاعداي تۋىنداسا, ولاردى بٸردەن اجىراتامىز. مەنٸڭ بٸلۋٸمشە «اق ماينەرلەر» كەشەدەن بەرٸ جۇمىس ٸستەپ باستادى», - دەدٸ بولات اقشولاقوۆ.
