Foto: ashyq derekkóz
AQSh-qa resmi sapary barysynda Qazaqstan Prezidenti Qasym-Jomart Toqaevtyń qatysýymen qazaqstandyq jáne amerikalyq áýe kompaniialary arasyndaǵy yntymaqtastyq keńeiip keledi, dep habarlaidy Ult.kz.
Air Astana men Boeing kompaniiasy 15 dana Boeing 787-9 Dreamliner ushaǵyn jetkizý týraly kelisimshartqa qol qoidy. Bul — buǵan deiingi úsh ushaqqa qosymsha tapsyrys. Kelisimniń jalpy quny 7 milliard AQSh dollaryn quraidy.
«Bul kelisim Air Astana kompaniiasyna halyqaralyq baǵyttar jelisin keńeitýge, sonyń ishinde AQSh qalalaryna tikelei reister ashýǵa jol ashady», — delingen kompaniia habarlamasynda.
Sonymen qatar, SCAT áýe kompaniiasy da Boeing-pen áriptestigin jalǵastyryp, 2035 jylǵa deiin 15 dana Boeing 737 ushaǵyn satyp alýdy josparlap otyr.
Buǵan qosa, «Qazaeronavigatsiia» RMK men amerikalyq Leidos kompaniiasy arasynda aeronavigatsiia júiesin Skyline-X deńgeiine deiin jańartý boiynsha yntymaqtastyq júrip jatyr.
Mamandardyń aitýynsha, bul jobalar Qazaqstandaǵy áýe qozǵalysyn basqarý júiesin jańǵyrtyp, qaýipsizdik pen qyzmet sapasyn halyqaralyq standarttarǵa sáikestendirýge múmkindik beredi.
