فوتو: اشىق دەرەككٶز
اقش-قا رەسمي ساپارى بارىسىندا قازاقستان پرەزيدەنتٸ قاسىم-جومارت توقاەۆتىڭ قاتىسۋىمەن قازاقستاندىق جەنە امەريكالىق ەۋە كومپانييالارى اراسىنداعى ىنتىماقتاستىق كەڭەيٸپ كەلەدٸ, دەپ حابارلايدى Ult.kz.
Air Astana مەن Boeing كومپانيياسى 15 دانا Boeing 787-9 Dreamliner ۇشاعىن جەتكٸزۋ تۋرالى كەلٸسٸمشارتقا قول قويدى. بۇل — بۇعان دەيٸنگٸ ٷش ۇشاققا قوسىمشا تاپسىرىس. كەلٸسٸمنٸڭ جالپى قۇنى 7 ميلليارد اقش دوللارىن قۇرايدى.
«بۇل كەلٸسٸم Air Astana كومپانيياسىنا حالىقارالىق باعىتتار جەلٸسٸن كەڭەيتۋگە, سونىڭ ٸشٸندە اقش قالالارىنا تٸكەلەي رەيستەر اشۋعا جول اشادى», — دەلٸنگەن كومپانييا حابارلاماسىندا.
سونىمەن قاتار, SCAT ەۋە كومپانيياسى دا Boeing-پەن ەرٸپتەستٸگٸن جالعاستىرىپ, 2035 جىلعا دەيٸن 15 دانا Boeing 737 ۇشاعىن ساتىپ الۋدى جوسپارلاپ وتىر.
بۇعان قوسا, «قازاەروناۆيگاتسييا» رمك مەن امەريكالىق Leidos كومپانيياسى اراسىندا اەروناۆيگاتسييا جٷيەسٸن Skyline-X دەڭگەيٸنە دەيٸن جاڭارتۋ بويىنشا ىنتىماقتاستىق جٷرٸپ جاتىر.
مامانداردىڭ ايتۋىنشا, بۇل جوبالار قازاقستانداعى ەۋە قوزعالىسىن باسقارۋ جٷيەسٸن جاڭعىرتىپ, قاۋٸپسٸزدٸك پەن قىزمەت ساپاسىن حالىقارالىق ستاندارتتارعا سەيكەستەندٸرۋگە مٷمكٸندٸك بەرەدٸ.
