22 قازاندا قازاقستان قور بيرجاسىنداعى (KASE) ساۋدا قورىتىندىسىندا دوللار ارزانداپ, ەۋرو مەن رەسەي رۋبلٸ قىمباتتادى. اقش ۆاليۋتاسىنىڭ ورتاشا سارالانعان باعامى 448,09 تەڭگە بولدى, دەپ حابارلايدى ult.kz.

ساعات 17:00-دەگٸ ساۋدا قورىتىندىسى بويىنشا دوللاردىڭ ورتاشا سارالانعان باعامى الدىڭعى ساۋدا كٷنٸمەن سالىستىرعاندا 21 تيىنعا تٶمەندەپ, 448,09 تەڭگەنٸ قۇرادى.

كٷندٸزگٸ ساۋدادا, ساعات 15:30-دا اقش ۆاليۋتاسىنىڭ باعامى 447,94 تەڭگەگە دەيٸن تٷسكەن. كەيٸن سەل كٶتەرٸلگەنٸمەن, كٷن قورىتىندىسىندا تەڭگە دوللارعا قاتىستى نىعايدى. 

ەۋرو مەن رۋبل قىمباتتادى

ەۋرونىڭ ورتاشا سارالانعان باعامى 7 تيىنعا ٶسٸپ, 503,19 تەڭگەگە جەتتٸ. رەسەي رۋبلٸ شامامەن 6 تيىنعا قىمباتتاپ, 5,52 تەڭگە بولدى.

ال كەلەسٸ كٷنٸ ەسەپ ايىرىساتىن مەمٸلەلەر بويىنشا قىتاي يۋانٸنٸڭ ورتاشا سارالانعان باعامى 67,22 تەڭگەنٸ قۇرادى. 

23 قازانعا رەسمي باعام بەلگٸلەندٸ

ۇلتتىق بانك 23 قازانعا ارنالعان رەسمي ۆاليۋتا باعامدارىن جارييالادى. بٸر اقش دوللارى — 447,94 تەڭگە, ەۋرو — 502,32 تەڭگە, رەسەي رۋبلٸ — 5,52 تەڭگە, قىتاي يۋانٸ — 67,12 تەڭگە بولىپ بەلگٸلەندٸ. دوللاردىڭ رەسمي باعامى KASE-دەگٸ ساعات 15:30-دا قالىپتاسقان ورتاشا سارالانعان كٶرسەتكٸش نەگٸزٸندە كەلەسٸ جۇمىس كٷنٸنە بەكٸتٸلەدٸ.