Jýrnalist Gúlmira Ábiqai áleýmettik jelide 29 jastaǵy egizderdiń anasynyń qaiǵyly qazasy týraly jazba jariialap, marqumnyń týystary ádil tergeý júrgizilýin surap otyrǵanyn málimdedi, dep habarlaidy ult.kz.
Jýrnalistiń aitýynsha, oǵan marqum áieldiń jaqyndary habarlasyp, kómek suraǵan. Resmi málimet boiynsha áiel óz-ózine qol jumsaǵan degen boljam aitylǵanymen, týystary bul nusqamen kelispeitinderin jetkizgen.
Gúlmira Ábiqaidyń jazýynsha, marqum úsh jyl buryn turmysqa shyqqan, artynda eki jasar egiz ul men qyzy qalǵan. Týystarynyń sózinshe, áiel osy ýaqytqa deiin kúieýinen kórgen zorlyq-zombylyqty eshkimge aitpai kelgen.
Olardyń aitýynsha, qaiǵyly oqiǵa aldynda áiel úsh ápkesin WhatsApp arqyly beineqońyraýǵa qosyp, denesindegi jaraqattardy kórsetken. Ápkeleriniń sózinshe, onyń moiny men qoldary tańylǵan bolǵan. Sol sátte áiel kúieýiniń ózin únemi uryp-soǵatynyn aityp, balalaryn týystaryna amanattap, ómirmen qoshtasqan.
Marqumnyń týystary máiitti kórgen kezde denesinde kóptegen kógergen izder bolǵanyn, sondai-aq qolynyń synǵanyn aitqan. Olar istiń jan-jaqty ári obektivti tergelýin talap etip, oqiǵanyń tolyq mán-jaiy anyqtalmai jatyp jabylyp qalýynan qaýiptenetinderin jetkizdi.
