جۋرناليست گٷلميرا ەبٸقاي ەلەۋمەتتٸك جەلٸدە 29 جاستاعى ەگٸزدەردٸڭ اناسىنىڭ قايعىلى قازاسى تۋرالى جازبا جارييالاپ, مارقۇمنىڭ تۋىستارى ەدٸل تەرگەۋ جٷرگٸزٸلۋٸن سۇراپ وتىرعانىن مەلٸمدەدٸ, دەپ حابارلايدى ult.kz.
جۋرناليستٸڭ ايتۋىنشا, وعان مارقۇم ەيەلدٸڭ جاقىندارى حابارلاسىپ, كٶمەك سۇراعان. رەسمي مەلٸمەت بويىنشا ەيەل ٶز-ٶزٸنە قول جۇمساعان دەگەن بولجام ايتىلعانىمەن, تۋىستارى بۇل نۇسقامەن كەلٸسپەيتٸندەرٸن جەتكٸزگەن.
گٷلميرا ەبٸقايدىڭ جازۋىنشا, مارقۇم ٷش جىل بۇرىن تۇرمىسقا شىققان, ارتىندا ەكٸ جاسار ەگٸز ۇل مەن قىزى قالعان. تۋىستارىنىڭ سٶزٸنشە, ەيەل وسى ۋاقىتقا دەيٸن كٷيەۋٸنەن كٶرگەن زورلىق-زومبىلىقتى ەشكٸمگە ايتپاي كەلگەن.
ولاردىڭ ايتۋىنشا, قايعىلى وقيعا الدىندا ەيەل ٷش ەپكەسٸن WhatsApp ارقىلى بەينەقوڭىراۋعا قوسىپ, دەنەسٸندەگٸ جاراقاتتاردى كٶرسەتكەن. ەپكەلەرٸنٸڭ سٶزٸنشە, ونىڭ موينى مەن قولدارى تاڭىلعان بولعان. سول سەتتە ەيەل كٷيەۋٸنٸڭ ٶزٸن ٷنەمٸ ۇرىپ-سوعاتىنىن ايتىپ, بالالارىن تۋىستارىنا اماناتتاپ, ٶمٸرمەن قوشتاسقان.
مارقۇمنىڭ تۋىستارى مەيٸتتٸ كٶرگەن كەزدە دەنەسٸندە كٶپتەگەن كٶگەرگەن ٸزدەر بولعانىن, سونداي-اق قولىنىڭ سىنعانىن ايتقان. ولار ٸستٸڭ جان-جاقتى ەرٸ وبەكتيۆتٸ تەرگەلۋٸن تالاپ ەتٸپ, وقيعانىڭ تولىق مەن-جايى انىقتالماي جاتىپ جابىلىپ قالۋىنان قاۋٸپتەنەتٸندەرٸن جەتكٸزدٸ.
