Búgin aqparat máseleri jáne qoǵamdyq keńesterdiń qyzmeti týraly zańdarǵa engizilgen jańa tolyqtyrýlar men qoǵamdyq baqylaý týraly zań jobasyn túsindirý jumystary boiynsha Aqparat jáne qoǵamdyq damý ministri Aida Balaeva jumys saparymen Atyraý oblysyna bardy, dep habarlaidy "Ult aqparat".
Sapar barysynda ministr oblys basshylyǵymen, ishki saiasat, jastar saiasaty, din isteri basqarmalarynyń basshylarymen, sondai-aq jergilikti buqaralyq aqparat quraldary, úkimettik emes uiymdar jetekshilerimen, áleýmettik kásipkerlikpen ainalysatyn qoǵamdyq uiymdarmen jáne volonterlermen kezdesti.
Atyraý oblysy jurtshylyǵy ókilderimen kezdesý barysynda ministr Memleket basshysy qol qoiǵan jańa zańdar memlekettik organdar qyzmetiniń de, kvazimemlekettik uiymdar jumysynyń da ashyqtyǵyn arttyrýdaǵy mańyzdy qujat ekendigin atap ótti. «Zańnamalyq ózgerister «Halyq únine qulaq asatyn memleket» tujyrymdamasyn júzege asyrýǵa yqpal etedi», — dedi Aida Balaeva.
Eske sala keteiik, 2020 jylǵy 30 jeltoqsanda Memleket basshysy «Qazaqstan Respýblikasynyń keibir zańnamalyq aktilerine aqparat máseleleri boiynsha ózgerister men tolyqtyrýlar engizý týraly» Zańǵa qol qoidy.
Ministrdiń aitýynsha, túzetýlerge memlekettik aqparattyq tapsyrys berýdiń jańa erejeleri engizilgen. Olar respýblikalyq jáne aimaqtyq deńgeilerde jalpy taqyryptyq baǵyttardy aiqyndaýdy qarastyrady.
Sonymen qatar, aǵymdaǵy jyldyń 3 qańtarynda Memleket basshysy «Qazaqstan Respýblikasynyń keibir zańnamalyq aktilerine qoǵamdyq keńesterdiń qyzmeti máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy. Osy zańǵa sáikes Aqparat jáne qoǵamdyq damý ministrligi qoǵamdyq keńesterdiń qyzmetin úilestirip, ádistemelik qoldaý kórsetedi.
Qazaqstanda qoǵamdyq keńester 2015 jyldan bastap jumys isteidi, al jańa túzetýler qoǵamdyq keńester qurý men olardyń jumys isteý tetikterin jetildirýge jan-jaqty múmkindik beredi.
Sóitip, qazir qoǵamdyq keńesterge NQA jobalary men úndeýlerdi olardyń qoǵamdaǵy ózektilikke sáikes qaraý týraly sheshim qabyldaýǵa ókilettik berildi.
Oblys aktivimen kezdesýde Aida Balaeva azamattyq qoǵam institýttaryn memlekettiń sheshim qabyldaý protsesterine tartýdyń kelesi maqsatty qadamy «Qoǵamdyq baqylaý týraly» Zań jobasy bolatynyn atap ótti.
«Qurylymdy qalyptastyrýshy Zań qoǵamdyq baqylaýdyń júielenýine jáne tiimdiligin arttyrýǵa múmkindik beredi», - dedi ministr.
Oǵan qosa, Aida Balaeva aimaq jurtshylyǵy ókilderine «petitsiia» uǵymyn engizý men ony qaraý tártibin retteitin normativtik-quqyqtyq baza ázirlenip jatqanyn aitty.
Sonymen birge, jumys sapary barysynda ministr Atyraý oblysy Din isteri basqarmasynyń «Aqparattyq taldaý ortalyǵy» KMM, Atyraý oblysy Ishki saiasat basqarmasynyń «Azamattyq ortalyǵy» KMM jáne oblystaǵy áleýmettik kásipkerlikti damytý máselelerimen ainalysatyn «Móldir kóz» qoǵamdyq birlestiginiń jumysymen tanysty.
