بٷگٸن اقپارات مەسەلەرٸ جەنە قوعامدىق كەڭەستەردٸڭ قىزمەتٸ تۋرالى زاڭدارعا ەنگٸزٸلگەن جاڭا تولىقتىرۋلار مەن قوعامدىق باقىلاۋ تۋرالى زاڭ جوباسىن تٷسٸندٸرۋ جۇمىستارى بويىنشا اقپارات جەنە قوعامدىق دامۋ مينيسترٸ ايدا بالاەۆا جۇمىس ساپارىمەن اتىراۋ وبلىسىنا باردى, دەپ حابارلايدى "ۇلت اقپارات".
ساپار بارىسىندا مينيستر وبلىس باسشىلىعىمەن, ٸشكٸ ساياسات, جاستار ساياساتى, دٸن ٸستەرٸ باسقارمالارىنىڭ باسشىلارىمەن, سونداي-اق جەرگٸلٸكتٸ بۇقارالىق اقپارات قۇرالدارى, ٷكٸمەتتٸك ەمەس ۇيىمدار جەتەكشٸلەرٸمەن, ەلەۋمەتتٸك كەسٸپكەرلٸكپەن اينالىساتىن قوعامدىق ۇيىمدارمەن جەنە ۆولونتەرلەرمەن كەزدەستٸ.
اتىراۋ وبلىسى جۇرتشىلىعى ٶكٸلدەرٸمەن كەزدەسۋ بارىسىندا مينيستر مەملەكەت باسشىسى قول قويعان جاڭا زاڭدار مەملەكەتتٸك ورگاندار قىزمەتٸنٸڭ دە, كۆازيمەملەكەتتٸك ۇيىمدار جۇمىسىنىڭ دا اشىقتىعىن ارتتىرۋداعى ماڭىزدى قۇجات ەكەندٸگٸن اتاپ ٶتتٸ. «زاڭنامالىق ٶزگەرٸستەر «حالىق ٷنٸنە قۇلاق اساتىن مەملەكەت» تۇجىرىمداماسىن جٷزەگە اسىرۋعا ىقپال ەتەدٸ», — دەدٸ ايدا بالاەۆا.
ەسكە سالا كەتەيٸك, 2020 جىلعى 30 جەلتوقساندا مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە اقپارات مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭعا قول قويدى.
مينيستردٸڭ ايتۋىنشا, تٷزەتۋلەرگە مەملەكەتتٸك اقپاراتتىق تاپسىرىس بەرۋدٸڭ جاڭا ەرەجەلەرٸ ەنگٸزٸلگەن. ولار رەسپۋبليكالىق جەنە ايماقتىق دەڭگەيلەردە جالپى تاقىرىپتىق باعىتتاردى ايقىنداۋدى قاراستىرادى.
سونىمەن قاتار, اعىمداعى جىلدىڭ 3 قاڭتارىندا مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قوعامدىق كەڭەستەردٸڭ قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى. وسى زاڭعا سەيكەس اقپارات جەنە قوعامدىق دامۋ مينيسترلٸگٸ قوعامدىق كەڭەستەردٸڭ قىزمەتٸن ٷيلەستٸرٸپ, ەدٸستەمەلٸك قولداۋ كٶرسەتەدٸ.
قازاقستاندا قوعامدىق كەڭەستەر 2015 جىلدان باستاپ جۇمىس ٸستەيدٸ, ال جاڭا تٷزەتۋلەر قوعامدىق كەڭەستەر قۇرۋ مەن ولاردىڭ جۇمىس ٸستەۋ تەتٸكتەرٸن جەتٸلدٸرۋگە جان-جاقتى مٷمكٸندٸك بەرەدٸ.
سٶيتٸپ, قازٸر قوعامدىق كەڭەستەرگە نقا جوبالارى مەن ٷندەۋلەردٸ ولاردىڭ قوعامداعى ٶزەكتٸلٸككە سەيكەس قاراۋ تۋرالى شەشٸم قابىلداۋعا ٶكٸلەتتٸك بەرٸلدٸ.
وبلىس اكتيۆٸمەن كەزدەسۋدە ايدا بالاەۆا ازاماتتىق قوعام ينستيتۋتتارىن مەملەكەتتٸڭ شەشٸم قابىلداۋ پروتسەستەرٸنە تارتۋدىڭ كەلەسٸ ماقساتتى قادامى «قوعامدىق باقىلاۋ تۋرالى» زاڭ جوباسى بولاتىنىن اتاپ ٶتتٸ.
«قۇرىلىمدى قالىپتاستىرۋشى زاڭ قوعامدىق باقىلاۋدىڭ جٷيەلەنۋٸنە جەنە تيٸمدٸلٸگٸن ارتتىرۋعا مٷمكٸندٸك بەرەدٸ», - دەدٸ مينيستر.
وعان قوسا, ايدا بالاەۆا ايماق جۇرتشىلىعى ٶكٸلدەرٸنە «پەتيتسييا» ۇعىمىن ەنگٸزۋ مەن ونى قاراۋ تەرتٸبٸن رەتتەيتٸن نورماتيۆتٸك-قۇقىقتىق بازا ەزٸرلەنٸپ جاتقانىن ايتتى.
سونىمەن بٸرگە, جۇمىس ساپارى بارىسىندا مينيستر اتىراۋ وبلىسى دٸن ٸستەرٸ باسقارماسىنىڭ «اقپاراتتىق تالداۋ ورتالىعى» كمم, اتىراۋ وبلىسى ٸشكٸ ساياسات باسقارماسىنىڭ «ازاماتتىق ورتالىعى» كمم جەنە وبلىستاعى ەلەۋمەتتٸك كەسٸپكەرلٸكتٸ دامىتۋ مەسەلەلەرٸمەن اينالىساتىن «مٶلدٸر كٶز» قوعامدىق بٸرلەستٸگٸنٸڭ جۇمىسىمەن تانىستى.
