Jas rejisserler qazaqstandyq televiziiada biregei kontent jasaýǵa shaqyryldy, dep habarlaidy "Ult aqparat".
Búgin Aqparat jáne qoǵamdyq damý ministri Aida Balaevanyń qazaqstandyq televiziiada otandyq kontentti damytý boiynsha jas rejisserlermen kezdesýi ótti.
Aida Balaeva jastarǵa ministrliktiń qazaqstandyq televiziiadaǵy sapaly kontentti damytý boiynsha, onyń ishinde qoǵamdy mazalaityn jáne erekshe ideologiialyq mańyzy bar ózekti taqyryptarǵa arnalǵan serialdar, derekti filmder, arnaiy baǵdarlamalar jasaý boiynsha júrgizip jatqan jumystary týraly aitty.
«Bizdiń ministrlik memlekettik tapsyrystyń jáne memlekettik aqparattyq tapsyrys sheńberinde jyl saiyn elýge jýyq telehikaialardyń túsirilimin qamtamasyz etedi; al derekti filmderdiń sany júzden asady. Olardyń keibireýleri kórermender arasynda tanymal bolsa, kópshiliginiń sapasy, ókinishke qarai, syn kótermeidi», - dedi ministr.
Sonymen qatar, ministr vedomstvonyń aldaǵy 2022 jyly túsiretin teleserialdar men derekti filmderiniń úzdik stsenariilerin daiyndaýǵa baiqaý jariialap jatqanyn atap ótti.
«Onyń negizgi taqyryptary ministrliktiń saitynda jariialanatyn taqyryptyq josparlar tiziminde kórsetilgen», - dedi Aida Balaeva.
Jalpy, ministrmen kezdesýge otandyq qyzyqty jobalardy qurýda tájiribesi bar 29 jas rejisser qatysty.
Aida Balaeva jas rejisserlerdi dál osy 2021 jyly ministrlikke jáne memlekettik telearnalarǵa serialdar men filmderdiń jańa stsenariilerin usynýǵa shaqyrdy.
Is-sharaǵa qatysýshylar ministrlikke qazaqstandyq televiziiada erekshe, qyzyqty jáne sapaly kontent qurýda jańa jobalardy usynýǵa nieti men daiyndyǵyn bildirdi.
