جاس رەجيسسەرلەر قازاقستاندىق تەلەۆيزييادا بٸرەگەي كونتەنت جاساۋعا شاقىرىلدى, دەپ حابارلايدى "ۇلت اقپارات".
بٷگٸن اقپارات جەنە قوعامدىق دامۋ مينيسترٸ ايدا بالاەۆانىڭ قازاقستاندىق تەلەۆيزييادا وتاندىق كونتەنتتٸ دامىتۋ بويىنشا جاس رەجيسسەرلەرمەن كەزدەسۋٸ ٶتتٸ.
ايدا بالاەۆا جاستارعا مينيسترلٸكتٸڭ قازاقستاندىق تەلەۆيزيياداعى ساپالى كونتەنتتٸ دامىتۋ بويىنشا, ونىڭ ٸشٸندە قوعامدى مازالايتىن جەنە ەرەكشە يدەولوگييالىق ماڭىزى بار ٶزەكتٸ تاقىرىپتارعا ارنالعان سەريالدار, دەرەكتٸ فيلمدەر, ارنايى باعدارلامالار جاساۋ بويىنشا جٷرگٸزٸپ جاتقان جۇمىستارى تۋرالى ايتتى.
«بٸزدٸڭ مينيسترلٸك مەملەكەتتٸك تاپسىرىستىڭ جەنە مەملەكەتتٸك اقپاراتتىق تاپسىرىس شەڭبەرٸندە جىل سايىن ەلۋگە جۋىق تەلەحيكايالاردىڭ تٷسٸرٸلٸمٸن قامتاماسىز ەتەدٸ; ال دەرەكتٸ فيلمدەردٸڭ سانى جٷزدەن اسادى. ولاردىڭ كەيبٸرەۋلەرٸ كٶرەرمەندەر اراسىندا تانىمال بولسا, كٶپشٸلٸگٸنٸڭ ساپاسى, ٶكٸنٸشكە قاراي, سىن كٶتەرمەيدٸ», - دەدٸ مينيستر.
سونىمەن قاتار, مينيستر ۆەدومستۆونىڭ الداعى 2022 جىلى تٷسٸرەتٸن تەلەسەريالدار مەن دەرەكتٸ فيلمدەرٸنٸڭ ٷزدٸك ستسەنارييلەرٸن دايىنداۋعا بايقاۋ جارييالاپ جاتقانىن اتاپ ٶتتٸ.
«ونىڭ نەگٸزگٸ تاقىرىپتارى مينيسترلٸكتٸڭ سايتىندا جارييالاناتىن تاقىرىپتىق جوسپارلار تٸزٸمٸندە كٶرسەتٸلگەن», - دەدٸ ايدا بالاەۆا.
جالپى, مينيسترمەن كەزدەسۋگە وتاندىق قىزىقتى جوبالاردى قۇرۋدا تەجٸريبەسٸ بار 29 جاس رەجيسسەر قاتىستى.
ايدا بالاەۆا جاس رەجيسسەرلەردٸ دەل وسى 2021 جىلى مينيسترلٸككە جەنە مەملەكەتتٸك تەلەارنالارعا سەريالدار مەن فيلمدەردٸڭ جاڭا ستسەنارييلەرٸن ۇسىنۋعا شاقىردى.
ٸس-شاراعا قاتىسۋشىلار مينيسترلٸككە قازاقستاندىق تەلەۆيزييادا ەرەكشە, قىزىقتى جەنە ساپالى كونتەنت قۇرۋدا جاڭا جوبالاردى ۇسىنۋعا نيەتٸ مەن دايىندىعىن بٸلدٸردٸ.
