Aqparat jáne qoǵamdyq damý ministri Aida Balaeva «Halyq únine qulaq asatyn memleket» tujyrymdamasynyń keri bailanys tetigi retinde qalyptasýynda BAQ-tyń róli erekshe ekenin atady, dep habarlaidy QazAqparat.
«Sizderdiń eńbekterińizdiń arqasynda Perzident bastamashy bolǵan «Halyq únine qulaq asatyn memleket» tujyrymdamasy qazir tolyǵymen qoǵammmen keri bailanystyń tiimdi tetigi retinde tolyqtai qalyptasty. Eń bastysy, jýrnalistika keleshekte de árdaiym qoǵam ómirinde jetekshi ról oinaidy», - dedi ministr URKER-2021 ulttyq báigesiniń marapattaý sharasynda.
A.Balaeva BAQ salasyn, sondai-aq ulttyq qaýipsizdiktiń ózegi retinde atady.
«Aqparat keńistiginiń qoǵam damýyndaǵy alatyn orny, qosatyn úlesi de óte zor. Sebebi media tek resmi aqparatty taratatyn qural emes, ulttyq qaýipsizdik pen memlekettik ideologiianyń ózegi ekenin únemi aityp kelemiz. Azamattyq qoǵamnyń qarqyndy damýy jýrnalisterdiń kásibi jáne azamattyq belsendiligine tyǵyz bailanysty. Endeshe osyndai aýqymdy salanyń júgin arqalap, mańyzdy mindetti atqaryp júrgen jýrnalister qaýymyna zor alǵysymdy bildirgim keledi», - dedi Aqparat jáne qoǵamdyq damý ministri.
