اقپارات جەنە قوعامدىق دامۋ مينيسترٸ ايدا بالاەۆا «حالىق ٷنٸنە قۇلاق اساتىن مەملەكەت» تۇجىرىمداماسىنىڭ كەرٸ بايلانىس تەتٸگٸ رەتٸندە قالىپتاسۋىندا باق-تىڭ رٶلٸ ەرەكشە ەكەنٸن اتادى, دەپ حابارلايدى قازاقپارات.
«سٸزدەردٸڭ ەڭبەكتەرٸڭٸزدٸڭ ارقاسىندا پەرزيدەنت باستاماشى بولعان «حالىق ٷنٸنە قۇلاق اساتىن مەملەكەت» تۇجىرىمداماسى قازٸر تولىعىمەن قوعامممەن كەرٸ بايلانىستىڭ تيٸمدٸ تەتٸگٸ رەتٸندە تولىقتاي قالىپتاستى. ەڭ باستىسى, جۋرناليستيكا كەلەشەكتە دە ەردايىم قوعام ٶمٸرٸندە جەتەكشٸ رٶل وينايدى», - دەدٸ مينيستر URKER-2021 ۇلتتىق بەيگەسٸنٸڭ ماراپاتتاۋ شاراسىندا.
ا.بالاەۆا باق سالاسىن, سونداي-اق ۇلتتىق قاۋٸپسٸزدٸكتٸڭ ٶزەگٸ رەتٸندە اتادى.
«اقپارات كەڭٸستٸگٸنٸڭ قوعام دامۋىنداعى الاتىن ورنى, قوساتىن ٷلەسٸ دە ٶتە زور. سەبەبٸ مەديا تەك رەسمي اقپاراتتى تاراتاتىن قۇرال ەمەس, ۇلتتىق قاۋٸپسٸزدٸك پەن مەملەكەتتٸك يدەولوگييانىڭ ٶزەگٸ ەكەنٸن ٷنەمٸ ايتىپ كەلەمٸز. ازاماتتىق قوعامنىڭ قارقىندى دامۋى جۋرناليستەردٸڭ كەسٸبي جەنە ازاماتتىق بەلسەندٸلٸگٸنە تىعىز بايلانىستى. ەندەشە وسىنداي اۋقىمدى سالانىڭ جٷگٸن ارقالاپ, ماڭىزدى مٸندەتتٸ اتقارىپ جٷرگەن جۋرناليستەر قاۋىمىنا زور العىسىمدى بٸلدٸرگٸم كەلەدٸ», - دەدٸ اقپارات جەنە قوعامدىق دامۋ مينيسترٸ.
