Pavlodar oblysynda qýaty 50 MVt bolatyn Data Center Valley derekterdi óńdeý ortalyqtary alqabynyń alǵashqy nysanynyń qurylysy qarqyndy júrip jatyr. Nysandy 2027 jylǵy maýsymda paidalanýǵa berý josparlanǵan, dep habarlaidy ult.kz.
Premer-ministrdiń baspasóz qyzmetiniń habarlaýynsha qazir energiia ortalyqtary men AI-fabrikalardyń ǵimarattaryna arnalǵan qazanshuńqyrlardy ázirleý jumystary 90%-ǵa aiaqtalǵan. Energiia ortalyqtarynyń irgetasy qalanyp, ákimshilik-turmystyq ǵimarattar salynýda.
Joba aiasynda derekter ortalyqtaryn, AI-fabrikalardy, GPU-klasterlerdi jáne halyqaralyq kompaniialardyń bultty platformalaryn ornalastyrýǵa arnalǵan infraqurylym qurylady. Data Center Valley Qazaqstannyń tsifrlyq ekonomikasyn damytýǵa, otandyq jasandy intellekt sheshimderin ázirleýge jáne halyqaralyq tsifrlyq qyzmetter naryǵyna shyǵýǵa múmkindik beredi.
Jobany energiiamen qamtamasyz etý úshin qýaty 215 MVt qosalqy stansa satyp alynǵan. Al alqaptyń uzaqmerzimdi energetikalyq áleýetin kezeń-kezeńimen 1 GVt-qa deiin jetkizý kózdelip otyr.
Premer-ministr Oljas Bektenov Data Center Valley jobasynyń Qazaqstannyń tehnologiialyq egemendigin nyǵaityp, eldiń Ortalyq Aziiadaǵy óńirlik AI haby retindegi rólin kúsheitýge múmkindik beretinin atap ótti.
Joba aiasynda sheteldik tehnologiialyq kompaniialarmen, sonyń ishinde Firebird AI jáne NVIDIA-men yntymaqtastyq ornatylýda. Sonymen qatar jańa investorlar men klientterdi tartý, joǵary ónimdi esepteý klasterleri men bultty qyzmetterdi damytý boiynsha kelissózder júrgizilip jatyr.
Jiyn qorytyndysy boiynsha jaýapty memlekettik organdarǵa qurylys jumystaryn belgilengen merzimde aiaqtaý jáne sheteldik tehnologiialyq kompaniialarmen yntymaqtastyqty keńeitý tapsyryldy.
