AES formatyna qatysty túbegeili sheshim 2023 jyly qabyldanady. Bul týraly «Samuryq-Qazyna» UÁQ» AQ Basqarma tóraǵasy Almasadam Sátqaliev aitty, dep habarlaidy QazAqparat.
«AES qurylysynyń ereksheligi - biz aldymen qurylysshylar pýlyn anyqtap, qazaqstandyq qamtý boiynsha mindetti talap qoiýymyz kerek. Sodan keiin olar stansany jobalaýǵa kirisedi. Túpkilikti tańdaý birneshe ai ishinde oryn aladydep kútemiz», - dedi Almasadam Sátqaliev Aqorda BAQ ókilderiniń saýalyna orai.
Onyń atap ótýinshe, kelesi jyly AES qurylysyna qatysty túpkilikti sheshim qabyldanady.
«2023 jyly biryńǵai bloktyń formaty, qurylysy, orny, qýaty jáne qarjylandyrý sharttary boiynsha túpkilikti sheshim qabyldanady dep aitýǵa bolady. Alańdy jobalaý, daiyndaý, injenerlik izdestirý jumystary bastalady. Qurylys jobalyq jumystar aiaqtalǵannan keiin bastalady», - dedi Almasadam Sátqaliev.
