اەس فورماتىنا قاتىستى تٷبەگەيلٸ شەشٸم 2023 جىلى قابىلدانادى. بۇل تۋرالى «سامۇرىق-قازىنا» ۇەق» اق باسقارما تٶراعاسى الماسادام سەتقاليەۆ ايتتى, دەپ حابارلايدى قازاقپارات.
«اەس قۇرىلىسىنىڭ ەرەكشەلٸگٸ - بٸز الدىمەن قۇرىلىسشىلار پۋلىن انىقتاپ, قازاقستاندىق قامتۋ بويىنشا مٸندەتتٸ تالاپ قويۋىمىز كەرەك. سودان كەيٸن ولار ستانسانى جوبالاۋعا كٸرٸسەدٸ. تٷپكٸلٸكتٸ تاڭداۋ بٸرنەشە اي ٸشٸندە ورىن الادىدەپ كٷتەمٸز», - دەدٸ الماسادام سەتقاليەۆ اقوردا باق ٶكٸلدەرٸنٸڭ ساۋالىنا وراي.
ونىڭ اتاپ ٶتۋٸنشە, كەلەسٸ جىلى اەس قۇرىلىسىنا قاتىستى تٷپكٸلٸكتٸ شەشٸم قابىلدانادى.
«2023 جىلى بٸرىڭعاي بلوكتىڭ فورماتى, قۇرىلىسى, ورنى, قۋاتى جەنە قارجىلاندىرۋ شارتتارى بويىنشا تٷپكٸلٸكتٸ شەشٸم قابىلدانادى دەپ ايتۋعا بولادى. الاڭدى جوبالاۋ, دايىنداۋ, ينجەنەرلٸك ٸزدەستٸرۋ جۇمىستارى باستالادى. قۇرىلىس جوبالىق جۇمىستار اياقتالعاننان كەيٸن باستالادى», - دەدٸ الماسادام سەتقاليەۆ.
