Aldaǵy 30 jylda adamnyń dene músheleri satylatyn dúkender ashylady. Bul týraly búgin Global Challenges Summit 2018 forýmynyń jalpy otyrysynda «Múmkinsizdikter teoriiasy» bestselleriniń avtory Mitio Kaký aitty, dep habarlaidy QazAqparat tilshisi.
«Ótken kúni keshkisin amerikalyq telearnany kórip otyryp, ǵalamsharda eshqandai da intellektýaldy ómir joq degen qorytyndyǵa keldim. Biraq, taiaý 30-100 jylǵa barynsha úmitpen qaraimyn jáne nelikten ekenin de túsindire keteiin. Kelesi 30 jylda kompiýterlik chip bir tiynnan da arzan bolady. Kompiýterlik bilik elektr energiiasy siiaqty barlyq jerde bolady. Is júzinde «kompiýter» sózi aǵylshyn tilinen joiylady», - dedi ol.
Onyń atap ótýinshe, aldaǵy 30 jylda kompiýterlik chiptardyń kómegimen tipti kózge taǵatyn linza arqyly da internetke qosylýǵa múmkindik týyndaidy.
«Mundai kózge taǵatyn linzany eń birinshi kimder satyp alady? Sońǵy emtihan tapsyratyn stýdentter satyp alady. Olar kózin ashqan kezde linzadan ózine qoiylǵan suraqtyń barlyq jaýabyn kóredi. Adamdar linzadan ózge adamdardyń aitqan sózderiniń aýdarmasyn kóredi. Sizdiń linzańyz kez kelgen tildi aýdaryp beretin bolady», - dedi Mitio Kaký.
Onyń sózine qaraǵanda, meditsina salasynda da chipter jappai engiziledi. Chiptar tegin bolady. Adam ómiri de uzara túsip, dene músheleri satylatyn dúkender ashylady. Adamdar dene múshelerin almastyrýǵa qol jetkizedi.
«Biz qazirdiń ózinde jasandy teri, kóz, muryn jasap jatyrmyz. Kelesi ǵasyrda barlyq músheler zerthanada ósiriledi. Kelesi múshe bizdiń baýyrymyz bolady. Adamnyń baýyry bolashaqqa zerthanalarda ósirile bastaidy», - dedi ol.
