الداعى 30 جىلدا ادامنىڭ دەنە مٷشەلەرٸ ساتىلاتىن دٷكەندەر اشىلادى. بۇل تۋرالى بٷگٸن Global Challenges Summit 2018 فورۋمىنىڭ جالپى وتىرىسىندا «مٷمكٸنسٸزدٸكتەر تەوريياسى» بەستسەللەرٸنٸڭ اۆتورى ميتيو كاكۋ ايتتى, دەپ حابارلايدى قازاقپارات تٸلشٸسٸ.
«ٶتكەن كٷنٸ كەشكٸسٸن امەريكالىق تەلەارنانى كٶرٸپ وتىرىپ, عالامشاردا ەشقانداي دا ينتەللەكتۋالدى ٶمٸر جوق دەگەن قورىتىندىعا كەلدٸم. بٸراق, تاياۋ 30-100 جىلعا بارىنشا ٷمٸتپەن قارايمىن جەنە نەلٸكتەن ەكەنٸن دە تٷسٸندٸرە كەتەيٸن. كەلەسٸ 30 جىلدا كومپيۋتەرلٸك چيپ بٸر تيىننان دا ارزان بولادى. كومپيۋتەرلٸك بيلٸك ەلەكتر ەنەرگيياسى سيياقتى بارلىق جەردە بولادى. ٸس جٷزٸندە «كومپيۋتەر» سٶزٸ اعىلشىن تٸلٸنەن جويىلادى», - دەدٸ ول.
ونىڭ اتاپ ٶتۋٸنشە, الداعى 30 جىلدا كومپيۋتەرلٸك چيپتاردىڭ كٶمەگٸمەن تٸپتٸ كٶزگە تاعاتىن لينزا ارقىلى دا ينتەرنەتكە قوسىلۋعا مٷمكٸندٸك تۋىندايدى.
«مۇنداي كٶزگە تاعاتىن لينزانى ەڭ بٸرٸنشٸ كٸمدەر ساتىپ الادى? سوڭعى ەمتيحان تاپسىراتىن ستۋدەنتتەر ساتىپ الادى. ولار كٶزٸن اشقان كەزدە لينزادان ٶزٸنە قويىلعان سۇراقتىڭ بارلىق جاۋابىن كٶرەدٸ. ادامدار لينزادان ٶزگە ادامداردىڭ ايتقان سٶزدەرٸنٸڭ اۋدارماسىن كٶرەدٸ. سٸزدٸڭ لينزاڭىز كەز كەلگەن تٸلدٸ اۋدارىپ بەرەتٸن بولادى», - دەدٸ ميتيو كاكۋ.
ونىڭ سٶزٸنە قاراعاندا, مەديتسينا سالاسىندا دا چيپتەر جاپپاي ەنگٸزٸلەدٸ. چيپتار تەگٸن بولادى. ادام ٶمٸرٸ دە ۇزارا تٷسٸپ, دەنە مٷشەلەرٸ ساتىلاتىن دٷكەندەر اشىلادى. ادامدار دەنە مٷشەلەرٸن الماستىرۋعا قول جەتكٸزەدٸ.
«بٸز قازٸردٸڭ ٶزٸندە جاساندى تەرٸ, كٶز, مۇرىن جاساپ جاتىرمىز. كەلەسٸ عاسىردا بارلىق مٷشەلەر زەرتحانادا ٶسٸرٸلەدٸ. كەلەسٸ مٷشە بٸزدٸڭ باۋىرىمىز بولادى. ادامنىڭ باۋىرى بولاشاققا زەرتحانالاردا ٶسٸرٸلە باستايدى», - دەدٸ ول.
