«Ádilet» partiiasy Memleket basshysy bastamashy bolǵan konstitýtsiialyq reformalardy odan ári jalǵastyrýdy kózdep otyr. Bul týraly partiia ókilderi 3 tamyzda Aqtóbe qalasynda ótken forýmda málimdedi.
Is-shara Respýblikalyq sailaýaldy shtabtyń Aqtóbe oblysyna jumys sapary aiasynda uiymdastyryldy. Forýmda otbasy institýtyn nyǵaitý, áielder men balalardyń quqyǵyn qorǵaý, áleýmettik saiasatty jetildirý jáne áielderdiń qoǵamdyq-saiasi protsesterge belsendi qatysýyna jaǵdai jasaý máseleleri talqylandy.
Partiia tóraǵasy Aibek Dádebai «Ádilet» partiiasynyń sailaýaldy baǵdarlamasy Memleket basshysy bastamashy bolǵan konstitýtsiialyq reformalardyń zańdy jalǵasy ekenin atap ótti. Onyń aitýynsha, baǵdarlamadaǵy basym baǵyttardyń biri – otbasy institýtyn nyǵaitý, áielder men balalardyń quqyǵyn qorǵaý, sondai-aq áielderdiń qoǵamdyq-saiasi ómirdegi rólin arttyrý.
«Ádilet» partiiasy Memleket basshysynyń konstitýtsiialyq reformalaryn qoldaidy jáne Konstitýtsiiada bekitilgen ádilettilik, zań ústemdigi jáne adamǵa qurmet qaǵidattaryn naqty sheshimder arqyly júzege asyrýdy óziniń mindeti dep sanaidy. Sondyqtan áielderdi qoldaý, balalardy qorǵaý jáne otbasy institýtyn nyǵaitý – biz úshin negizgi basymdyqtardyń biri», – dedi Aibek Dádebai.
Forým barysynda Quryltai depýtattyǵyna kandidattar Dinara Zákieva, Aijan Aimaǵanova, Irina Ten, Lázzat Shyńǵysbaeva jáne Áliia Mámbetalina partiia baǵdarlamasynyń negizgi baǵyttaryn tanystyrdy.
Quryltai depýtattyǵyna kandidat Dinara Zákieva Memleket basshysynyń bastamasymen Qazaqstanda balalardyń quqyǵyn qorǵaýǵa baǵyttalǵan 11 zań qabyldanǵanyn eske saldy.
«Partiia jasandy intellektini paidalaný arqyly múgedektikti proaktivti túrde belgileý júiesin engizýdi, ataýly áleýmettik vaýcherler júiesin keńeitýdi, segiz ońaltý ortalyǵyn ashýdy jáne erekshe qajettiligi bar balalarmen jumys isteitin mamandardy daiarlaý baǵdarlamalaryn jańartýdy usynady. Partiia baǵdarlamasynyń negizinde ádilettilik qaǵidaty jatyr. Biz onyń árbir adamnyń, ásirese qoldaýǵa muqtaj jandardyń kúndelikti ómirinde naqty jumys isteýine kúsh salamyz», – dedi Dinara Zákieva.
Sondai-aq partiia baǵdarlamasynda balabaqshalarda 79 myń oryn, mektepterde 300 myń oqýshy ornyn ashý, toǵyz perinataldyq ortalyq salý jáne elimizdiń barlyq óńirinde invazivti emes diagnostika ortalyqtaryn iske qosý kózdelgen.
Quryltai depýtattyǵyna kandidattar Irina Ten men Aijan Aimaǵanova turmystyq zorlyq-zombylyqqa ushyraǵan, sondai-aq eńbek jáne áleýmettik quqyqtary buzylǵan áielderdiń quqyqtyq kómek pen qajetti qorǵaýdy ýaqytyly alýy mańyzdy ekenin atap ótti.
Forýmǵa qatysýshylar psihologiialyq qoldaý júiesin damytýdyń mańyzyna da toqtaldy. Psihologiia kafedrasynyń meńgerýshisi, psihologiia ǵylymdarynyń kandidaty, qaýymdastyrylǵan professor Áliia Mámbetalinanyń aitýynsha, «Ádilet» partiiasy psihologiialyq densaýlyq máselesin alǵashqylardyń biri bolyp ashyq kóterip, ony óziniń saiasi baǵdarlamasyna engizip, azamattardyń psihologiialyq ál-aýqatyn basym baǵyttardyń biri retinde aiqyndady.
«Bul – ýaqyt talabyna sai ári mańyzdy sheshim», – dedi ol.
Jiyn sońynda kandidattary partiia tarapynan usynylǵan bastamalardyń barlyǵy qazaqstandyqtardyń ómir súrý sapasyn jaqsartýǵa baǵyttalǵanyn jetkizdi.
Forýmnan keiin Respýblikalyq sailaýaldy shtab músheleri munaishylar, metallýrgter, kásipkerler, óńirdegi iri kásiporyndardyń eńbek ujymdary jáne kreativti jastar ókilderimen kezdesýler ótkizedi.
Daiyndaǵan:
«Ádilet» partiiasynyń baspasóz qyzmeti.
«Ádilet» partiiasy» QB sailaý qorynyń qarajaty esebinen tólendi.
Tapsyrys berýshi: N.T. Myńjasarov.
