QR Premer-Ministriniń orynbasary Eraly Toǵjanov Úkimettiń baspasóz ortalyǵynda ótken brifing barysynda Memleket Basshysynyń Joldaýyn júzege asyrý sharalary týraly aityp berdi, dep habarlaidy primeminister.kz.
Toǵjanov atap ótkendei, Memleket basshysy Qasym-Jomart Kemelulynyń «Jańa jaǵdaidaǵy Qazaqstan: is-qimyl kezeńi» atty Joldaýy el damýynyń naqty vektorlaryn anyqtap berdi, onyń ishinde elimizdiń áleýmettik salasyn jańǵyrtý men azamattardyń áleýmettik ál-aýqatyn kóterý — memleket saiasatynyń basty basymdyǵy ekenin kórsetti.
«Birinshiden, turǵyn úi máseleleri neǵurlym belsendi sheshiletin bolady. Azamattyq qoǵamnyń qajettiligine sáikes, Biryńǵai jinaqtaýshy zeinetaqy qorynyń salymshysyna óz jinaqtarynyń bir bóligin turǵyn úi satyp alýǵa, emdelýge nemese qarjy kompaniialarynyń basqarýyna berý múmkindigi kelesi jyldan iske asyryla bastaidy», — dedi QR Premer-Ministriniń orynbasary.
Bul degenimiz — 721 myńnan astam azamattyń turmys sapasyn arttyrý múmkindigi, áleýmettik máselesiniń sheshimi. Qazaqstandyqtar tuńǵysh ret zeinetaqy júiesine qatysady.
Sonymen qatar memleket turǵyn úidi jaldaý aqysynyń qunyn sýbsidiialaidy, bul birinshi jyly 100 myń qazaqstandyq otbasyn qoldaýǵa múmkindik beredi.
Ekinshiden, otbasylyq-demografiialyq jaǵdai jaqsarady.
Qasym-Jomart Toqaev atap ótkendei, ókinishke orai, árbir altynshy qazaqstandyq otbasy úshin balaly bolý — oryndalmai otyrǵan arman.
Sondyqtan, 2021 jyldan bastap «Ańsaǵan sábi» arnaiy baǵdarlamasy iske qosylady. Ekstrakorporaldyq uryqtandyrý (EKO) kvotalaryn 7 myńǵa deiin ulǵaitý kózdelip otyr.
«Úshinshiden, áleýmettik saiasattyń jańa paradigmasy qalyptastyrylatyn bolady. Búgingi tańda elimizdiń áleýmettik qaýipsizdigi 17 zańmen jáne ondaǵan zań aktilerimen rettelip otyr. Alda – qaǵazbastylyqty azaityp, halyqtyń qoljetimdiligin jeńildetý maqsaty tur. Osyǵan orai, Úkimet elimizdiń biryńǵai áleýmettik kodeksin ázirleýdi josparlap otyr. Bul barlyq normativtik-quqyqtyq bazany biriktirýge jáne júieleýge múmkindik beredi», — dedi vitse-premer.
Tórtinshiden, memlekettik qyzmetterdiń qoljetimdiligin arttyrý nemese olardy elektrondyq formatqa kóshirý jumysy jalǵasady. Memleket basshysy aitqandai: adamdar emes, derekter «júgirý» tiis degen qaǵida iske asyrylady.
Úkimet bilim berý sapasyndaǵy alshaqtyqty boldyrmaý úshin sharalar qabyldaidy
Kelesi jyldan bastap muǵalimderdiń jalaqysy 25%-ǵa artady.
2025 jylǵa qarai 6 jasqa deiingi balalar jeke investitsiialardy tartý esebinen mektepke deiingi tárbiemen jáne oqytýmen 100% qamtamasyz etiledi.
Toǵjanov atap ótkendei, ata-analar kez-kelgen balabaqsha men mektepti ózderi tańdai alady, olardy tańdaýda shekteýler bolmaidy.
«Mektepterdi “daryndy” nemese “qarapaiym” balalarǵa arnalǵan dep bólmei, barlyq mektepke erekshe kóńil bólinedi. Úkimet teń jaǵdai jasaý úshin keshendi sharalar qabyldaidy. Bul bilim sapasyndaǵy alshaqtyqty boldyrmaý úshin óte mańyzdy», — dedi ol.
Onlain bilim berý platformalary úshin fýnktsionaldyq múmkindikterdi jaqsartý jáne biryńǵai talaptardy aiqyndaý máselesi pysyqtalady.
«Qazir bilim ýaqyty. Kún saiyn jańa bilim paida bolady. Biz jańa bilimdi tez igerip qana qoimai, olardy qalyptastyrýdy úirenýimiz kerek. Bul bizdiń ultymyzdyń qanshalyqty básekege qabiletti ekenin anyqtaidy. Sondyqtan bizdiń basty mindetimiz — qazaqstandyqtardy ómir boiy oqytýǵa negiz qalaý, jańa shyndyqqa beiimdelýge qabiletti bolý», — dep atap ótti Toǵjanov.
Osyǵan bailanysty Úkimet adam kapitalyn damytý úshin júieli qujatqa ainalatyn úzdiksiz bilim berý tujyrymdamasyn ázirleidi.
Memleket basshysy Qazaqstannyń bolashaǵy shaǵyn jáne orta biznestiń qarqyndy damýymen tyǵyz bailanysty ekenin birneshe ret atap ótti. Ol úshin qazirdiń ózinde kásipkerlerdiń jańa tolqynyn daiyndaý qajet. Sondyqtan bilim berýdiń barlyq deńgeilerinde — mektepten bastap joǵary oqý oryndaryna deiin «Kásipkerlik negizderi» páni engiziledi. Osyndai tásil óskeleń urpaqty ekologiialyq tárbieleý boiynsha qoldanylatyn bolady.
Tek deni saý ult ziiatker bola alady
Prezident óskeleń urpaqtyń jan-jaqty tulǵasyn qalyptastyrýǵa: sporttyq jáne shyǵarmashylyq áleýetin damytýǵa erekshe nazar aýdardy. Sondyqtan buqaralyq sportty damytý, «balalar úiirmeleriniń» qyzmetin jańǵyrtý boiynsha qosymsha sharalar pysyqtalady.
Sapasyz bilim beretin joǵary oqý oryndaryn jabý jónindegi jumys kúsheitiledi.
Ǵylymdy damytý basymdyqqa ainalady
Prezidenttiń tapsyrmasy boiynsha «Jas ǵalym» jobasyna 1000 grant bólinedi.
Jer qoinaýyn paidalanýshylardyń tabystarynan ǵylym men tehnologiialardy damytýǵa 1% aýdarý mindettiligi úlken reforma bolady. Bul sheshim bizdiń ekonomikamyzdyń negizgi salalarynyń básekege qabilettiligin túbegeili arttyrýǵa baǵyttalǵan: ónerkásip, jasyl ekonomika, jańa tehnologiialardy engizý jáne t. b.
Otandyq farmatsevtika ónerkásibin damytýǵa erekshe nazar aýdarylady
Birinshiden, Úkimet II jartyjyldyqta meditsina qyzmetkerlerine yntalandyrý ústeme aqylaryn tóleýge 150 mlrd teńge bóledi.
Ekinshiden, halyqaralyq standarttarǵa sáikes densaýlyq saqtaý obektileriniń materialdyq-tehnikalyq bazasy jańǵyrtylady:
- biylǵy qazan aiyna deiin 13 jańa modýldik juqpaly aýrýlar aýrýhanasynyń qurylysyn aiaqtaý josparlanǵan;
- 2021 jyldyń jeltoqsan aiynyń sońyna qarai Nur-Sultan jáne Almaty qalalarynda 500 tósek-orynnan juqpaly aýrýlar boiynsha 2 kópbeiindi ǵylymi-zertteý ortalyǵy salynady;
- 2021 jylǵy jeltoqsanǵa qarai Nur-Sultan qalasynda proton, sáýle, lazerlik terapiia, sondai-aq iadrolyq meditsina tehnologiialaryn qosa alǵanda, onkologiialyq aýrýlardy diagnostikalaý men emdeýge arnalǵan eń ozyq jabdyqtary bar biregei ulttyq ǵylymi onkologiialyq ortalyqtyń qurylysy aiaqtalady. Bul elimiz úshin mańyzdy nysan. Sebebi onkologiialyq aýrýlarmen dispanserlik esepte 187 myń qazaqstandyq tur;
- 2025 jylǵa deiin halyqqa joǵary tehnologiialyq meditsinalyq kómektiń barlyq túrin kórsete otyryp, zamanaýi 20 kópbeiindi aýrýhana salynady. Bul maqsatqa 1,5 trln teńge investitsiia baǵyttalady.
Úshinshiden, Úkimet meditsinalyq-sanitarlyq kómek kórsetýdi jaqsartý boiynsha tiisti jospar ázirleidi, óńirlerge 100-den astam jyljymaly avtokeshen, otandyq óndiristiń 1100-den astam sanitarlyq avtokóligi satyp alynady.
«Tórtinshiden, otandyq farmatsevtikalyq ónerkásipti damytýǵa erekshe nazar aýdarylady. 9. Bizdiń mindetimiz — dári-dármekterdiń ózindik óndirisin qamtamasyz etý úshin farmatsevtika ónerkásibin damýdyń jańa deńgeiine shyǵarý. Osyǵan bailanysty Úkimet arnaiy keshendi jospar qabyldaidy», — dedi vitse-premer.
Besinshiden, meditsinalyq kadrlarmen qamtamasyz etýdiń uzaq merzimdi boljamy jasalady, sondai-aq az kezdesetin mamandyqtardy: epidemiologtardy, infektsionisterdi, reanimatologtardy, pýlmonologtardy, kardiologtardy daiarlaý tásilderi qaita qaralady.
Qazaqstanda qoǵamdyq keńesterdiń róli artady
Sondai-aq Eraly Toǵjanov Prezident Joldaýynyń negizgi maqsaty — ár azamattyń turmys sapasyn arttyrý arqyly ulttyń jańa bolmysyn qalyptastyrý ekenine toqtalyp ótti.
Ol úshin rýhani, tarihi qundylyqtarǵa negizdelgen, zamanaýi talaptarǵa jaýap bere alatyn ustanymdar qajet.
Osy maqsatta qoǵamdyq keńesterdiń rólin arttyrýǵa erekshe kóńil bólinip otyr. Búgingi tańda zań jobasy Májilistiń qaraýynda jatyr. Onyń sheńberinde keńesterdiń sapalyq jáne sandyq quramyn jaqsartý, olardyń jumysynyń tiimdiligi men jariialylyǵyn arttyrý kózdelýde. Al, qoǵam tarapynan tiimdi usynystar men belsendilik, tártiptik baqylaý men azamattyq parasattylyq qaǵidalaryn saqtaý, joǵary mádeniettilikti tárbieleý qajet.
Sonymen qatar Úkimet BAQ, teleradio habarlaryn taratý jáne aqparatqa qol jetkizý salasyndaǵy ulttyq zańnamany jetildirýdi kózdeitin aqparat máseleleri jónindegi zań jobasyn ázirlep, Parlamentke engizdi.
«Memleket basshysynyń tapsyrmasyna sáikes ulttyń jańa bolmysyn qalyptastyrý maqsatynda qoǵamdyq sanany jańǵyrtý boiynsha júzege asyrylyp jatqan baǵdarlamalardy zaman talabyna sai qaita qaraý, tolyqtyrý jumysy júrgiziledi. Degenmen, eskeretin jait – qoǵam tarapynan oi-sanany keńeitý, rýhani damý baǵytyndaǵy jańa ustanymdardy qabyldaý, jańa jobalardy iske asyrýda belsendilik qajet», — dep túiindedi Toǵjanov.
