Foto: QR TJM
«Qaztsink» kásipornynyń Óskemendegi óndiristik aýmaǵynda shań ustaityn qurylǵy jarylyp, sonyń saldarynan órt shyqty. Bul týraly QR Tótenshe jaǵdailar ministrligi málimdedi, dep habarlaidy Ult.kz.
Alǵashqy derekterge súiensek, jarylystan keiin ashyq janý baiqalyp, ǵimarattyń bir bóligi opyrylǵan. Oqiǵa ornyna jedel jetken qutqarýshylar shtab quryp, aýmaqty tekserý men zardap shekkenderdi izdeý jumystaryn qolǵa alǵan.
Keiingi málimet boiynsha, órt oqshaýlanyp, qazirgi ýaqytta mamandar qiraǵan qurylymdardy bólshekteý jáne janý oshaqtaryn tolyq joiý jumystaryn júrgizýde.
Aldyn ala aqparatqa sáikes, tórt adam meditsinalyq mekemelerge jetkizilgen. Olardyń jaǵdaiy naqtylanyp jatyr.
Oqiǵa ornynda 40-qa jýyq qyzmetker men 10 tehnika jumys isteýde. Jedel shtab quramyna túrli memlekettik organdar men ózara is-qimyl qyzmetteriniń ókilderi tartylǵan. Órttiń naqty aýmaǵy áli de anyqtalýda.
