Ábilqaiyr hannyń Elizaveta patshaiymǵa joldaǵan haty tabyldy. Onda qazaqtar úshin qala salý jóninde usynys aitylǵan.
Hat osydan úsh ǵasyr buryn jazylǵan. Ábilqaiyr han ótinishin Orynbor general-gýbernatory arqyly joldapty. Qujattyń túpnusqasy osy kúnge deiin Orynbordaǵy memlekettik muraǵatta saqtalǵan. Aqtóbelik mamandar onyń kóshirmesin alyp, zerttep jatyr, dep habarlady KTK.
Qazir eń aldymen hat mátinin aýdarý kerek. Sebebi, eki júz betten turatyn ótinish kóne slavian tilinde jazylypty. Han hatynda shahar salýdan basqa uly Eraly týraly da aitady.
Sondai-aq, hannyń usynysyn patshaiym da qoldaǵan siiaqty. Qazir Ábilqaiyrdyń aitýymen naqty qai qalanyń boi kótergeni belgisiz. Mamandar Or nemese Orynbor bolýy múmkin degen boljam aitady.
"Bizdiń paiymdaýymyzsha, Ábilqaiyr hannyń qala suraýy Orsk nemese qazirgi Orynbor qalasyndaǵy Bersk qamaly ornyna salynǵan Bersk qalashyǵy degen oiymyz bar. Qujat bolǵandyqtan, ony áli zertteý kerek", - deidi Aqtóbe oblystyq arhiviniń ǵylymi qyzmetkeri Nurlan Esetov.
