ەبٸلقايىر حاننىڭ ەليزاۆەتا پاتشايىمعا جولداعان حاتى تابىلدى. وندا قازاقتار ٷشٸن قالا سالۋ جٶنٸندە ۇسىنىس ايتىلعان.
حات وسىدان ٷش عاسىر بۇرىن جازىلعان. ەبٸلقايىر حان ٶتٸنٸشٸن ورىنبور گەنەرال-گۋبەرناتورى ارقىلى جولداپتى. قۇجاتتىڭ تٷپنۇسقاسى وسى كٷنگە دەيٸن ورىنبورداعى مەملەكەتتٸك مۇراعاتتا ساقتالعان. اقتٶبەلٸك ماماندار ونىڭ كٶشٸرمەسٸن الىپ, زەرتتەپ جاتىر, دەپ حابارلادى كتك.
قازٸر ەڭ الدىمەن حات مەتٸنٸن اۋدارۋ كەرەك. سەبەبٸ, ەكٸ جٷز بەتتەن تۇراتىن ٶتٸنٸش كٶنە سلاۆيان تٸلٸندە جازىلىپتى. حان حاتىندا شاھار سالۋدان باسقا ۇلى ەرالى تۋرالى دا ايتادى.
سونداي-اق, حاننىڭ ۇسىنىسىن پاتشايىم دا قولداعان سيياقتى. قازٸر ەبٸلقايىردىڭ ايتۋىمەن ناقتى قاي قالانىڭ بوي كٶتەرگەنٸ بەلگٸسٸز. ماماندار ور نەمەسە ورىنبور بولۋى مٷمكٸن دەگەن بولجام ايتادى.
"بٸزدٸڭ پايىمداۋىمىزشا, ەبٸلقايىر حاننىڭ قالا سۇراۋى ورسك نەمەسە قازٸرگٸ ورىنبور قالاسىنداعى بەرسك قامالى ورنىنا سالىنعان بەرسك قالاشىعى دەگەن ويىمىز بار. قۇجات بولعاندىقتان, ونى ەلٸ زەرتتەۋ كەرەك", - دەيدٸ اقتٶبە وبلىستىق ارحيۆٸنٸڭ عىلىمي قىزمەتكەرٸ نۇرلان ەسەتوۆ.
