Búgin «Uly aqyndardyń úndestigi: Naýai jáne Abai» onlain-konferentsiiasy barysynda Álisher Naýaidyń qazaq tilinde jaryq kórgen «Hamsa» atty kitabynyń tusaýkeseri ótti. Kitapty ózbek tilinen qazaq tiline aqyn, aýdarmashy, QR Memlekettik syilyǵynyń laýreaty Nesipbek Aituly aýdarǵan, dep habarlaidy "Ult aqparat".
«Shyǵys shaiyrlarynyń dara tulǵasy, ejelgi túrki ádebietiniń atasy Álisher Naýaidiń eńbegin qazaq tiline aýdarý - mańyzdy oqiǵa. Bul – qazaq ádebietine qosylǵan qundy úles. Abai Naýaidi óziniń rýhani ustazy sanap, onyń óleńderinen taǵylym alǵanyn bárimiz jaqsy bilemiz. Osy turǵydan alǵanda eki birdei kemeńgerdiń eńbekterin qatar aýdarýdyń simvolikalyq máni bar deýge ábden bolady. Álisher Naýaidyń «Hamsa» atty eńbegi qazaq tilinde jaryq kórip otyr. Ol - shyǵystan shyqqan aqyndardyń biri, ári biregeii. Onyń shyǵarmalary álem ádebietiniń damýyna yqpal etti. Aqynnyń óleńderi sol kezdiń ózinde-aq dúnie júzindegi eń iri kitaphanalarǵa qoiylǵan. Osyndai kólemdi eńbekti qazaq tiline aýdaryp, túrki dúniesi úshin mańyzdy, zor jumys istegen Nesipbek Aituly aǵamyzǵa alǵysymyzdy bildiremiz», - deidi QR Parlamenti Senatynyń tóraǵasy Máýlen Áshimbaev.
Ol Halyqaralyq Túrki akademiiasynyń jumysyn erekshe atap ótti.
«Akademiia túrki álemimen qatar ónerdegi aýyzbirshilikti nyǵaitýǵa zor úles qosyp otyr. Buǵan deiin de osy uiymnyń bastamasymen igi sharalar iske asyryldy. Atqarylǵan jumystarǵa Memleket basshysy da joǵary baǵasyn berip keledi. Dál qazirgi kezeńde Ózbekstannyń Túrki akademiiasyna qosylý jumystary júrgizilip jatqanyn bilemiz. Ózbek eliniń túrki dúniesindegi orny erekshe. Osyǵan orai Akademiiaǵa jáne onyń basshysy Darhan Qydyrálige alǵysymyzdy bildiremiz. Túrki dúniesiniń tutastyǵyn saqtaýǵa arnalǵan eńbekterińiz tabysty bolsyn», - dedi ol.
Álisher Naýaidiń ataqty «Hamsa», «Láili-Májnún», «Eskendir qorǵany» kitabyn kórnekti aqyn, QR Memlekettik syilyǵynyń laýreaty Nesipbek Aituly ózbek tilinen tárjimalady. Al danyshpan Abaidyń qara sózderin Iakýbjan Iýldashev ózbek tiline aýdardy.
«Bul is-sharanyń ótkizilýi Qazaqstan Respýblikasy Tuńǵysh Prezidenti - Elbasy Nursultan Nazarbaevtyń, Memleket basshysy Qasym-Jomart Toqaevtyń Qazaqstanda turatyn halyqtardyń ulttyq mádenietin saqtaý, damytý úshin barlyq jaǵdaidy jasaǵandyǵyn taǵy da rastaidy. Bul shara bizdiń oiymyzdy, maqsat, tilekterimizdi bildiretin jalpyǵa ortaq mereke. Osy múmkindikti paidalana otyryp men bul is-sharany osyndai joǵary deńgeide uiymdastyrǵany úshin Halyqaralyq túrki akademiiasynyń prezidenti Darhan Qydyráli myrzaǵa erekshe alǵysymdy bildiremin», - dedi Ózbekstan Respýblikasynyń Qazaqstandaǵy Tótenshe jáne ókiletti elshisi Saidikram Niiazhojaev.
Kitaptardyń tusaýkeser rásimine Qazaqstan Respýblikasy Parlamenti Senatynyń tóraǵasy Máýlen Áshimbaev, Ózbekstannyń Olii Májilis Senatynyń tóraiymy Tanzila Narbaeva, Halyqaralyq Túrki akademiiasynyń prezidenti Darhan Qydyráli, Túrkiia, Ózbekstan, Qyrǵyzstan elderiniń Qazaqstandaǵy elshileri, Májilis depýtattary jáne birqatar aqyn-jazýshy men ziialy qaýym ókilderi qatysty.
