بٷگٸن «ۇلى اقىنداردىڭ ٷندەستٸگٸ: ناۋاي جەنە اباي» ونلاين-كونفەرەنتسيياسى بارىسىندا ەلٸشەر ناۋايدىڭ قازاق تٸلٸندە جارىق كٶرگەن «حامسا» اتتى كٸتابىنىڭ تۇساۋكەسەرٸ ٶتتٸ. كٸتاپتى ٶزبەك تٸلٸنەن قازاق تٸلٸنە اقىن, اۋدارماشى, قر مەملەكەتتٸك سىيلىعىنىڭ لاۋرەاتى نەسٸپبەك ايتۇلى اۋدارعان, دەپ حابارلايدى "ۇلت اقپارات".
«شىعىس شايىرلارىنىڭ دارا تۇلعاسى, ەجەلگٸ تٷركٸ ەدەبيەتٸنٸڭ اتاسى ەلٸشەر ناۋايدٸڭ ەڭبەگٸن قازاق تٸلٸنە اۋدارۋ - ماڭىزدى وقيعا. بۇل – قازاق ەدەبيەتٸنە قوسىلعان قۇندى ٷلەس. اباي ناۋايدٸ ٶزٸنٸڭ رۋحاني ۇستازى ساناپ, ونىڭ ٶلەڭدەرٸنەن تاعىلىم العانىن بەرٸمٸز جاقسى بٸلەمٸز. وسى تۇرعىدان العاندا ەكٸ بٸردەي كەمەڭگەردٸڭ ەڭبەكتەرٸن قاتار اۋدارۋدىڭ سيمۆوليكالىق مەنٸ بار دەۋگە ەبدەن بولادى. ەلٸشەر ناۋايدىڭ «حامسا» اتتى ەڭبەگٸ قازاق تٸلٸندە جارىق كٶرٸپ وتىر. ول - شىعىستان شىققان اقىنداردىڭ بٸرٸ, ەرٸ بٸرەگەيٸ. ونىڭ شىعارمالارى ەلەم ەدەبيەتٸنٸڭ دامۋىنا ىقپال ەتتٸ. اقىننىڭ ٶلەڭدەرٸ سول كەزدٸڭ ٶزٸندە-اق دٷنيە جٷزٸندەگٸ ەڭ ٸرٸ كٸتاپحانالارعا قويىلعان. وسىنداي كٶلەمدٸ ەڭبەكتٸ قازاق تٸلٸنە اۋدارىپ, تٷركٸ دٷنيەسٸ ٷشٸن ماڭىزدى, زور جۇمىس ٸستەگەن نەسٸپبەك ايتۇلى اعامىزعا العىسىمىزدى بٸلدٸرەمٸز», - دەيدٸ قر پارلامەنتٸ سەناتىنىڭ تٶراعاسى مەۋلەن ەشٸمباەۆ.
ول حالىقارالىق تٷركٸ اكادەميياسىنىڭ جۇمىسىن ەرەكشە اتاپ ٶتتٸ.
«اكادەمييا تٷركٸ ەلەمٸمەن قاتار ٶنەردەگٸ اۋىزبٸرشٸلٸكتٸ نىعايتۋعا زور ٷلەس قوسىپ وتىر. بۇعان دەيٸن دە وسى ۇيىمنىڭ باستاماسىمەن يگٸ شارالار ٸسكە اسىرىلدى. اتقارىلعان جۇمىستارعا مەملەكەت باسشىسى دا جوعارى باعاسىن بەرٸپ كەلەدٸ. دەل قازٸرگٸ كەزەڭدە ٶزبەكستاننىڭ تٷركٸ اكادەميياسىنا قوسىلۋ جۇمىستارى جٷرگٸزٸلٸپ جاتقانىن بٸلەمٸز. ٶزبەك ەلٸنٸڭ تٷركٸ دٷنيەسٸندەگٸ ورنى ەرەكشە. وسىعان وراي اكادەميياعا جەنە ونىڭ باسشىسى دارحان قىدىرەلٸگە العىسىمىزدى بٸلدٸرەمٸز. تٷركٸ دٷنيەسٸنٸڭ تۇتاستىعىن ساقتاۋعا ارنالعان ەڭبەكتەرٸڭٸز تابىستى بولسىن», - دەدٸ ول.
ەلٸشەر ناۋايدٸڭ اتاقتى «حامسا», «لەيلٸ-مەجنٷن», «ەسكەندٸر قورعانى» كٸتابىن كٶرنەكتٸ اقىن, قر مەملەكەتتٸك سىيلىعىنىڭ لاۋرەاتى نەسٸپبەك ايتۇلى ٶزبەك تٸلٸنەن تەرجٸمالادى. ال دانىشپان ابايدىڭ قارا سٶزدەرٸن ياكۋبجان يۋلداشەۆ ٶزبەك تٸلٸنە اۋداردى.
«بۇل ٸس-شارانىڭ ٶتكٸزٸلۋٸ قازاقستان رەسپۋبليكاسى تۇڭعىش پرەزيدەنتٸ - ەلباسى نۇرسۇلتان نازارباەۆتىڭ, مەملەكەت باسشىسى قاسىم-جومارت توقاەۆتىڭ قازاقستاندا تۇراتىن حالىقتاردىڭ ۇلتتىق مەدەنيەتٸن ساقتاۋ, دامىتۋ ٷشٸن بارلىق جاعدايدى جاساعاندىعىن تاعى دا راستايدى. بۇل شارا بٸزدٸڭ ويىمىزدى, ماقسات, تٸلەكتەرٸمٸزدٸ بٸلدٸرەتٸن جالپىعا ورتاق مەرەكە. وسى مٷمكٸندٸكتٸ پايدالانا وتىرىپ مەن بۇل ٸس-شارانى وسىنداي جوعارى دەڭگەيدە ۇيىمداستىرعانى ٷشٸن حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ مىرزاعا ەرەكشە العىسىمدى بٸلدٸرەمٸن», - دەدٸ ٶزبەكستان رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ سايديكرام نييازحوجاەۆ.
كٸتاپتاردىڭ تۇساۋكەسەر رەسٸمٸنە قازاقستان رەسپۋبليكاسى پارلامەنتٸ سەناتىنىڭ تٶراعاسى مەۋلەن ەشٸمباەۆ, ٶزبەكستاننىڭ وليي مەجٸلٸس سەناتىنىڭ تٶرايىمى تانزيلا نارباەۆا, حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ, تٷركييا, ٶزبەكستان, قىرعىزستان ەلدەرٸنٸڭ قازاقستانداعى ەلشٸلەرٸ, مەجٸلٸس دەپۋتاتتارى جەنە بٸرقاتار اقىن-جازۋشى مەن زييالى قاۋىم ٶكٸلدەرٸ قاتىستى.
