Ońtústiktegi Abai aýylynda zorlanǵan jeti jasar bala 1 qyrkúiek kúni mektepke bardy. Bul týraly QR parlamenti senatynyń depýtaty, bala quqyqtary jónindegi ýákil Sáýle Aitpaeva málimdedi, dep habarlaidy Sputnik Qazaqstan tilshisi.
"Bala oqyp jatyr, mektepke bardy. Biraq balanyń múddesin oilaǵandyqtan, onyń qaida turatynyn, qandai mektepte bilim alyp jatqanyn aitpaimyn", — dedi ol.
Ombýdsmenniń aitýynsha, balany zorlaǵan jasóspirimder de mektepte bilim alýda.
"Birinshiden, olar ishki ister organdarynyń qadaǵalaýynda. Onyń ústine bilim berý protsesi bizde mindetti. Konstitýtsiia boiynsha olar kez kelgen jaǵdaida orta bilim alýy kerek", — dep atap ótti Aitpaeva.
Bala quqyqtary jónindegi ýákildiń aitýynsha, álemde seksýaldy zorlyq-zombylyqqa tosqaýyl bolatyn jaza áli tabylmaǵan.
"Bilesizder me, álemde otbasy men turmysta seksýaldy zorlyq-zombylyqqa tosqaýyl qoiatyn jaza áli tabylǵan joq. Zorlyqqa qarsy kúreste Shveitsariia, Shvetsiia, Gollandiia, Frantsiia, Estoniia sekildi elderdiń tájiribesi úzdik sanalǵanmen, bul memleketterde de osyndai jaǵdailar kezdesip jatady. Bul balalar (7 jasar balany zorlaǵandar — avtor eskert.) ózderiniń psihikasyn buzý arqyly jazalandy. Óitkeni, eń aýyr jaza — psihikalyq, emotsianaldy jaza", — dedi ombýdsmen.
