وڭتٷستٸكتەگٸ اباي اۋىلىندا زورلانعان جەتٸ جاسار بالا 1 قىركٷيەك كٷنٸ مەكتەپكە باردى. بۇل تۋرالى قر پارلامەنتٸ سەناتىنىڭ دەپۋتاتى, بالا قۇقىقتارى جٶنٸندەگٸ ۋەكٸل سەۋلە ايتپاەۆا مەلٸمدەدٸ, دەپ حابارلايدى Sputnik قازاقستان تٸلشٸسٸ.
"بالا وقىپ جاتىر, مەكتەپكە باردى. بٸراق بالانىڭ مٷددەسٸن ويلاعاندىقتان, ونىڭ قايدا تۇراتىنىن, قانداي مەكتەپتە بٸلٸم الىپ جاتقانىن ايتپايمىن", — دەدٸ ول.
ومبۋدسمەننٸڭ ايتۋىنشا, بالانى زورلاعان جاسٶسپٸرٸمدەر دە مەكتەپتە بٸلٸم الۋدا.
"بٸرٸنشٸدەن, ولار ٸشكٸ ٸستەر ورگاندارىنىڭ قاداعالاۋىندا. ونىڭ ٷستٸنە بٸلٸم بەرۋ پروتسەسٸ بٸزدە مٸندەتتٸ. كونستيتۋتسييا بويىنشا ولار كەز كەلگەن جاعدايدا ورتا بٸلٸم الۋى كەرەك", — دەپ اتاپ ٶتتٸ ايتپاەۆا.
بالا قۇقىقتارى جٶنٸندەگٸ ۋەكٸلدٸڭ ايتۋىنشا, ەلەمدە سەكسۋالدى زورلىق-زومبىلىققا توسقاۋىل بولاتىن جازا ەلٸ تابىلماعان.
"بٸلەسٸزدەر مە, ەلەمدە وتباسى مەن تۇرمىستا سەكسۋالدى زورلىق-زومبىلىققا توسقاۋىل قوياتىن جازا ەلٸ تابىلعان جوق. زورلىققا قارسى كٷرەستە شۆەيتسارييا, شۆەتسييا, گوللاندييا, فرانتسييا, ەستونييا سەكٸلدٸ ەلدەردٸڭ تەجٸريبەسٸ ٷزدٸك سانالعانمەن, بۇل مەملەكەتتەردە دە وسىنداي جاعدايلار كەزدەسٸپ جاتادى. بۇل بالالار (7 جاسار بالانى زورلاعاندار — اۆتور ەسكەرت.) ٶزدەرٸنٸڭ پسيحيكاسىن بۇزۋ ارقىلى جازالاندى. ٶيتكەنٸ, ەڭ اۋىر جازا — پسيحيكالىق, ەموتسيانالدى جازا", — دەدٸ ومبۋدسمەن.
