Memleket basshysy Nursultan Nazarbaevtyń Ókimimen Serik Jailaýuly Piráliev zeinetkerlik jasqa tolýyna bailanysty Abai atyndaǵy Qazaq ulttyq pedagogikalyq ýniversitetiniń rektory qyzmetinen bosatyldy, dep habarlaidy Aqordanyń baspasóz qyzmeti.
Sondai-aq, Memleket basshysynyń Ókimimen Takir Ospanuly Balyqbaev Abai atyndaǵy Qazaq ulttyq pedagogikalyq ýniversitetiniń rektory qyzmetine taǵaiyndaldy.
Tahir Ospanuly Balyqbaev – S.M.Kirov atyndaǵy Qazaqtyń Memlekettik ýniversitetiniń matematika fakýltetin «matematika» mamandyǵy boiynsha bitirgen. 1986 jyly M.Lomonosov atyndaǵy Máskeý memlekettik ýniversitetinde fizika-matematika ǵylymdarynyń kandidaty ǵylymi ataǵyn qorǵady. 2003 jyly «Joǵary oqý oryndarynda stýdentter kontingentin qalyptastyrýdaǵy aqparattyq úlginiń teoriialyq-ádistemelik negizderi» taqyrybynda dissertatsiia qorǵap, pedagogika ǵylymdarynyń doktory ǵylymi ataǵyn aldy.
Qazaq Ulttyq agrarlyq ýniversitetiniń oqý-ádistemelik jumystary jónindegi prorektory, QR Bilim jáne ǵylym ministrliginiń bilim berý men testileý memlekettik standarttary Ulttyq ortalyǵynyń direktory, QR BǴM ǵylym jáne bilim berý salasyn baqylaý men attestatsiiasy jónindegi Komitettiń Tóraǵasy, Y.Altynsarin atyndaǵy Qazaq bilim berý akademiiasynyń Prezidenti, Pavlodar memlekettik pedagogikalyq ýniversiteti rektorynyń mindetin atqarýshy jáne basqa da qyzmetter atqarǵan. Qazaq tehnologiia jáne biznes ýniversitetiniń, Halyqaralyq Biznes Akademiiasynyń rektory qyzmetterinde boldy.
T.O.Balyqbaevtyń ǵylymi basshylyǵymen 8 kandidattyq jáne 4 doktorlyq dissertatsiia qorǵalǵan.
