مەملەكەت باسشىسى نۇرسۇلتان نازارباەۆتىڭ ٶكٸمٸمەن سەرٸك جايلاۋۇلى پٸرەليەۆ زەينەتكەرلٸك جاسقا تولۋىنا بايلانىستى اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ رەكتورى قىزمەتٸنەن بوساتىلدى, دەپ حابارلايدى اقوردانىڭ باسپاسٶز قىزمەتٸ.
سونداي-اق, مەملەكەت باسشىسىنىڭ ٶكٸمٸمەن تاكير وسپانۇلى بالىقباەۆ اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ رەكتورى قىزمەتٸنە تاعايىندالدى.
تاحير وسپانۇلى بالىقباەۆ – س.م.كيروۆ اتىنداعى قازاقتىڭ مەملەكەتتٸك ۋنيۆەرسيتەتٸنٸڭ ماتەماتيكا فاكۋلتەتٸن «ماتەماتيكا» ماماندىعى بويىنشا بٸتٸرگەن. 1986 جىلى م.لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸندە فيزيكا-ماتەماتيكا عىلىمدارىنىڭ كانديداتى عىلىمي اتاعىن قورعادى. 2003 جىلى «جوعارى وقۋ ورىندارىندا ستۋدەنتتەر كونتينگەنتٸن قالىپتاستىرۋداعى اقپاراتتىق ٷلگٸنٸڭ تەورييالىق-ەدٸستەمەلٸك نەگٸزدەرٸ» تاقىرىبىندا ديسسەرتاتسييا قورعاپ, پەداگوگيكا عىلىمدارىنىڭ دوكتورى عىلىمي اتاعىن الدى.
قازاق ۇلتتىق اگرارلىق ۋنيۆەرسيتەتٸنٸڭ وقۋ-ەدٸستەمەلٸك جۇمىستارى جٶنٸندەگٸ پرورەكتورى, قر بٸلٸم جەنە عىلىم مينيسترلٸگٸنٸڭ بٸلٸم بەرۋ مەن تەستٸلەۋ مەملەكەتتٸك ستاندارتتارى ۇلتتىق ورتالىعىنىڭ ديرەكتورى, قر بعم عىلىم جەنە بٸلٸم بەرۋ سالاسىن باقىلاۋ مەن اتتەستاتسيياسى جٶنٸندەگٸ كوميتەتتٸڭ تٶراعاسى, ى.التىنسارين اتىنداعى قازاق بٸلٸم بەرۋ اكادەميياسىنىڭ پرەزيدەنتٸ, پاۆلودار مەملەكەتتٸك پەداگوگيكالىق ۋنيۆەرسيتەتٸ رەكتورىنىڭ مٸندەتٸن اتقارۋشى جەنە باسقا دا قىزمەتتەر اتقارعان. قازاق تەحنولوگييا جەنە بيزنەس ۋنيۆەرسيتەتٸنٸڭ, حالىقارالىق بيزنەس اكادەميياسىنىڭ رەكتورى قىزمەتتەرٸندە بولدى.
ت.و.بالىقباەۆتىڭ عىلىمي باسشىلىعىمەن 8 كانديداتتىق جەنە 4 دوكتورلىق ديسسەرتاتسييا قورعالعان.
