92 jastaǵy Mahathir Mohamad álemdegi eń qart premer-ministr boldy. Ol basshylyq etken oppozitsiia Malaiziia táýelsizdigin alǵaly beri alǵash ret parlament sailaýynda jeńiske jetti. Oǵan el parlamentindegi 222 depýtattyń 176-sy daýys berdi, dep habarlaidy euronews.
Nátije jariialanǵannan keiin, jeńimpazdar elde 60 jyl boiy bilik etken «Ulttyq front» koalitsiiasynyń izine túspei, sondai-aq burynǵy premer Nadjib Razaktan kek almaýǵa ýáde etti.
Ketip bara jatqan premer jalpy sailaýdyń nátijesin moiyndady.
«Men halyqtyń tańdaýyn qabyldaimyn. «Ulttyq front» parlamenttik demokratiia qaǵidalaryna shynaiy berilgen», - dedi Nadjib Razak.
Úsh jyl buryn premer qurǵan 1MDB memlekettik investitsiialyq qorǵa bailanysty janjal týyndaǵan. BAQ-ta 4,5 mlrd dollardyń maqsatsyz paidalanylǵany týraly aqparat jariialanǵannan keiin tergeý bastalǵan edi.
