92 جاستاعى ماحاتحير موحاماد ەلەمدەگٸ ەڭ قارت پرەمەر-مينيستر بولدى. ول باسشىلىق ەتكەن وپپوزيتسييا مالايزييا تەۋەلسٸزدٸگٸن العالى بەرٸ العاش رەت پارلامەنت سايلاۋىندا جەڭٸسكە جەتتٸ. وعان ەل پارلامەنتٸندەگٸ 222 دەپۋتاتتىڭ 176-سى داۋىس بەردٸ, دەپ حابارلايدى euronews.
نەتيجە جارييالانعاننان كەيٸن, جەڭٸمپازدار ەلدە 60 جىل بويى بيلٸك ەتكەن «ۇلتتىق فرونت» كواليتسيياسىنىڭ ٸزٸنە تٷسپەي, سونداي-اق بۇرىنعى پرەمەر نادجيب رازاكتان كەك الماۋعا ۋەدە ەتتٸ.
كەتٸپ بارا جاتقان پرەمەر جالپى سايلاۋدىڭ نەتيجەسٸن مويىندادى.
«مەن حالىقتىڭ تاڭداۋىن قابىلدايمىن. «ۇلتتىق فرونت» پارلامەنتتٸك دەموكراتييا قاعيدالارىنا شىنايى بەرٸلگەن», - دەدٸ نادجيب رازاك.
ٷش جىل بۇرىن پرەمەر قۇرعان 1MDB مەملەكەتتٸك ينۆەستيتسييالىق قورعا بايلانىستى جانجال تۋىنداعان. باق-تا 4,5 ملرد دوللاردىڭ ماقساتسىز پايدالانىلعانى تۋرالى اقپارات جارييالانعاننان كەيٸن تەرگەۋ باستالعان ەدٸ.
