Sinoptikter 9 qyrkúiekke arnalǵan aýa raiy boljamyn jariialady. Boljamǵa sáikes, elimizdiń batysynda jańbyr jaýyp, aýa temperatýrasy tómendeidi. Al Qazaqstannyń basym bóliginde kún áli de jyly bolady, dep habarlaidy ult.kz.
Batys óńirlerge tsiklon áser etip, kei jerlerde jańbyr kúsheiedi. Bul aimaqtarda kún birtindep salqyndaidy. Túngi aýa temperatýrasy +7…+16 gradýs aralyǵyna deiin tómendese, kúndiz +13…+23 gradýs shamasynda bolady.
Soltústik-batys oblystarda da temperatýra tómendeidi. Munda túnde +5…+15 gradýs, kúndiz +15…+25 gradýs aralyǵy boljanyp otyr.
Qazaqstannyń soltústigi, ortalyǵy men ońtústiginde kei jerlerde ótkinshi jańbyr jaýýy múmkin. Jaýyn-shashyn atmosferalyq fronttardyń ótýimen bailanysty bolady. Sonymen qatar ońtústik-shyǵystyń taýly aimaqtarynda da jańbyr kútiledi.
Al eldiń shyǵys bóliginde aýa raiy negizinen jaýyn-shashynsyz bolady. Bul óńir antitsiklon yqpalynda qalyp, ashyq ári jyly kúnder saqtalady.
Sinoptikterdiń boljamynsha, aldaǵy kúnderi Qazaqstannyń kei óńirinde jazǵy jyly aýa raiy jalǵasqanymen, batys pen soltústik-batysta kúzdiń salqyny sezile bastaidy.
