سينوپتيكتەر 9 قىركٷيەككە ارنالعان اۋا رايى بولجامىن جارييالادى. بولجامعا سەيكەس, ەلٸمٸزدٸڭ باتىسىندا جاڭبىر جاۋىپ, اۋا تەمپەراتۋراسى تٶمەندەيدٸ. ال قازاقستاننىڭ باسىم بٶلٸگٸندە كٷن ەلٸ دە جىلى بولادى, دەپ حابارلايدى ult.kz.
باتىس ٶڭٸرلەرگە تسيكلون ەسەر ەتٸپ, كەي جەرلەردە جاڭبىر كٷشەيەدٸ. بۇل ايماقتاردا كٷن بٸرتٸندەپ سالقىندايدى. تٷنگٸ اۋا تەمپەراتۋراسى +7…+16 گرادۋس ارالىعىنا دەيٸن تٶمەندەسە, كٷندٸز +13…+23 گرادۋس شاماسىندا بولادى.
سولتٷستٸك-باتىس وبلىستاردا دا تەمپەراتۋرا تٶمەندەيدٸ. مۇندا تٷندە +5…+15 گرادۋس, كٷندٸز +15…+25 گرادۋس ارالىعى بولجانىپ وتىر.
قازاقستاننىڭ سولتٷستٸگٸ, ورتالىعى مەن وڭتٷستٸگٸندە كەي جەرلەردە ٶتكٸنشٸ جاڭبىر جاۋۋى مٷمكٸن. جاۋىن-شاشىن اتموسفەرالىق فرونتتاردىڭ ٶتۋٸمەن بايلانىستى بولادى. سونىمەن قاتار وڭتٷستٸك-شىعىستىڭ تاۋلى ايماقتارىندا دا جاڭبىر كٷتٸلەدٸ.
ال ەلدٸڭ شىعىس بٶلٸگٸندە اۋا رايى نەگٸزٸنەن جاۋىن-شاشىنسىز بولادى. بۇل ٶڭٸر انتيتسيكلون ىقپالىندا قالىپ, اشىق ەرٸ جىلى كٷندەر ساقتالادى.
سينوپتيكتەردٸڭ بولجامىنشا, الداعى كٷندەرٸ قازاقستاننىڭ كەي ٶڭٸرٸندە جازعى جىلى اۋا رايى جالعاسقانىمەن, باتىس پەن سولتٷستٸك-باتىستا كٷزدٸڭ سالقىنى سەزٸلە باستايدى.
