8 naýryz merekesine orai mektep oqýshylaryna arnalǵan "Ana degen tirshiliktiń tiregi" atty stsenaridi nazarlaryńyzǵa usynamyz.
Júrgizýshi:
Biz ǵana emes, qadir tutqan babalar.
Analardan týǵan nebir danalar.
Ana degen tirshiliktiń tiregi,
Armysyzdar, qasietti analar!
Kesh jaryq, qymbatty ustaz - analar, arýlar! Kóńilderińizge kóktem shýaǵyndai sezim men nur quiyp, taǵy da 8 - naýryz halyqaralyq áielder kúni keldi. Osynaý kórkem merekeniń qai kezde de orny bólek. Olai bolatyny, analarǵa degen ystyq sezim, alǵys pen qurmet eshqashan sónbek emes. Olar - ómirdiń gúli, kóńildiń jyry, ár otbasynyń altyn dińgegi. Mynaý tynymsyz tirshilik pen keń dúnieniń ózi tek analarmen ajarly. Búgingi arailap atqan nurly tańmen birge árbir sábi júregi óziń dep soqsa, búgingi merekelik keshimiz de analarǵa arnalady.
Desek te ýaqytpenen jaryspaidy,
Qiiaǵa qiialmenen qaryshtaidy.
Shákirtter shyn júrekten tebirenip
Ónerlerin anaǵa baǵyshtaidy - dei kele _ synyp oqýshysy Jolamandy ásem ánimen ortaǵa shaqyramyz. Qabyl alyńyzdar!
Júrgizýshi:
Sizderden ósken balalar
Batyrlar men danalar.
Quttyqtaimyz meirammen,
Qurmetti abzal analar, – dei kele quttyqtaý sóz kezegi mektep direktor: Jaqypov Muhamedqali Isataiulyna beriledi (direktor sóz sóileidi).
Júrgizýshi:
Kóńiliń Alataýdyń aq qaryndai,
Meiirimiń kúnniń shýaq shaqtaryndai.
Qalaisha aiaýly ana tyna alarmyn,
Án bolyp saǵynyshtan aqtarylmai, - dep abzal analarymyz ben qyrmyzy qyzdarymyzdyń qurmetine _ synyp oqýshysy __________-ny "Aiaýly ana" ánimen sahna tórine shaqyramyz.
Júrgizýshi:
Teńizdei terbetilip kól betinde,
Bishiler bilep ketti terbetile.
Aqqýdai qalyqtaǵan teńizdegi,
Bishiler ónerlerin kórsetýde, - dei otyryp kelesi kezekti úndi biine beremiz.
Júrgizýshi:
Ana degen – bastaýy ulylyqtyń.
Ana degen - rámizi sulýlyqtyń.
Ana degen - bir jyr bar shyrqalatyn,
Asqaqtatar biikke urpaq atyn.
Olai bolsa ______ qarsy alaiyq.
Daýysyna súisinip tamsanaiyq.
Erke uldyń talantyna tánti bolyp,
Ýa, halaiyq, jumyla qol soǵaiyq!
Júrgizýshi:
Árkimniń de ómirden alasy bar,
Alasy bar adamnyń anasy bar.
Merekesin quttyqtap analardyń,
Ónerlerin joldaityn _-cynyptyń _ balasy bar. Tamashadan kórinis. Ortada _ synyp ázilkeshteri.
Júrgizýshi: Kelesi kezekti kúige beremiz. Sahnada _ synyp oqýshysy _______ "Erke sylqym" kúiin oryndaidy.
Júrgizýshi:
Buralyp bizdiń qyzdar bilegen de,
Shyǵystyń asqaq áni terbegende
Qol soqpai dáti shydap tura alar
Qurbylar aityńdarshy qandai adam - - synyp ónerpazdarynyń biin qabyl alyńyzdar.
Júrgizýshi:
Án aitylsa uiyp tyńda janyńmen.
Án aitpaqshy ____ - qyzdaryńyz sizderge
Óshpes ystyq, alaýlaǵan jalynmen, - dei kele Elemesova Aigerimdi «Ana» atty shyǵarmasymen ortaǵa shaqyramyz.
Júrgizýshi:
Arý - Ana ómirdiń asyldary,
Jainasyn kóńilimniń jasyl baǵy.
Sender úshin án men jyr shyrqalýda,
Sender úshin mereke shashýlary.
Kelesi kezekte _ - synyp oqýshysy _______ "Anaǵa syr" atty poeziialyq týyndysymen ortaǵa shaqyramyz. Jas aqynnyń júrek syryn qabyl alyńyzdar!
Júrgizýshi:
Kúninde gúl kóktemniń nuryn shashyp,
Jasqanbai ár qadamyn nyq - nyq basyp,
Biimen kórermendi tánti etetin
Arýlar keldi mine tolqyp, tasyp.
Júrgizýshi:
Ana – barlyq qiyndyqty jeńetin sarqylmaityn kúsh, tirshiliktiń qainar bulaǵy. qazaq áieliniń dastarhany toq, qonaǵy yrza, dúniesi túgel. Olar úshin birinshi orynda otbasynyń berekesi turady. Bóbegin besikke bólep, áldilep aialaǵan ana baqyt qushaǵynda emes pe?!
Bir ózińnen bastap ómir joldaryn,
Júregińe, júregimdi jalǵadym.
Óziń myna syiǵa bergen ómirde
Aq sútińdi aqtap ótý - armanym.
Barsha ana, qutty bolsyn merekeńiz
Árqashanda ana sizben berekemiz.
Aqtasaq aq sútińdi, asyl anam.
Sonda biz kisilikke teńesemiz.
Qurmetti qonaqtar, bizdiń búgingi shaǵyn ǵana merekelik keshimiz óz máresine jetti. Shýaqty kúnderde kezdeskenshe!
Uqsas jazba:
