Foto: videodan skrinshot
Jyl basynan beri 900-den astam zańsyz qarý tárkilendi, dep habarlaidy Ult.kz Ishki ister ministrligine silteme jasap.
Onyń ishinde qańtar oqiǵasy kezinde urlanǵan 74 qarý bar. Sondai-aq ainalymnan tórt myńnan astam oq-dári alynǵan.
27-29 sáýir aralyǵynda elde "Quqyqtyq tártip" respýblikalyq jedel-aldyn alý is-sharasynyń ekinshi kezeńi ótkizildi. Úsh kún ishinde 67 dana atys qarýy jáne túrli kalibrdegi 200-den astam oq-dári tárkilendi.
27 sáýir kúni Almaty qalasynda politsiia qyzmetkerleri Sairan kóliniń jaǵasynan qańtar oqiǵasy kezinde qarý-jaraq dúkeninen urlanǵan qarýdy anyqtady.
Ishki ister ministrligi eskertedi: zańsyz saqtalǵan qarýdy erikti túrde tapsyrý qylmystyq jáne ákimshilik jaýapkershilikten bosatady. Azamattardy zańsyz saqtalǵan qarýdy tapsyryp, qoǵamdyq qaýipsizdikti qamtamasyz etýge óz úlesin qosýǵa shaqyramyz, - dedi IIM kriminaldyq politsiia departamentiniń bastyǵy Qanat Nurmaǵambetov.
