فوتو: ۆيدەودان سكرينشوت
جىل باسىنان بەرٸ 900-دەن استام زاڭسىز قارۋ تەركٸلەندٸ, دەپ حابارلايدى Ult.kz ٸشكٸ ٸستەر مينيسترلٸگٸنە سٸلتەمە جاساپ.
ونىڭ ٸشٸندە قاڭتار وقيعاسى كەزٸندە ۇرلانعان 74 قارۋ بار. سونداي-اق اينالىمنان تٶرت مىڭنان استام وق-دەرٸ الىنعان.
27-29 سەۋٸر ارالىعىندا ەلدە "قۇقىقتىق تەرتٸپ" رەسپۋبليكالىق جەدەل-الدىن الۋ ٸس-شاراسىنىڭ ەكٸنشٸ كەزەڭٸ ٶتكٸزٸلدٸ. ٷش كٷن ٸشٸندە 67 دانا اتىس قارۋى جەنە تٷرلٸ كاليبردەگٸ 200-دەن استام وق-دەرٸ تەركٸلەندٸ.
27 سەۋٸر كٷنٸ الماتى قالاسىندا پوليتسييا قىزمەتكەرلەرٸ سايران كٶلٸنٸڭ جاعاسىنان قاڭتار وقيعاسى كەزٸندە قارۋ-جاراق دٷكەنٸنەن ۇرلانعان قارۋدى انىقتادى.
ٸشكٸ ٸستەر مينيسترلٸگٸ ەسكەرتەدٸ: زاڭسىز ساقتالعان قارۋدى ەرٸكتٸ تٷردە تاپسىرۋ قىلمىستىق جەنە ەكٸمشٸلٸك جاۋاپكەرشٸلٸكتەن بوساتادى. ازاماتتاردى زاڭسىز ساقتالعان قارۋدى تاپسىرىپ, قوعامدىق قاۋٸپسٸزدٸكتٸ قامتاماسىز ەتۋگە ٶز ٷلەسٸن قوسۋعا شاقىرامىز, - دەدٸ ٸٸم كريمينالدىق پوليتسييا دەپارتامەنتٸنٸڭ باستىعى قانات نۇرماعامبەتوۆ.
