7 jastaǵy qyz ákesiniń anasyn uryp-soǵyp jatqany týraly «102» pýltine qońyraý shaldy, dep habarlaidy "Ult aqparat" qalalyq politsiia departamentine silteme jasap.
«Ýchaskelik politsiia inspektory oqiǵa ornyna dereý keldi. Tekserý barysynda otbasynyń 43 jastaǵy otaǵasy ishimdik iship, turmystyq negizde otbasylyq janjal týdyryp, áielin ura bastaǵany anyqtaldy. Qorqyp qalǵan qyz politseilerdi shaqyrdy», - delingen habarlamada.
Otbasylyq janjaldy shyǵarǵan er adamnan ańshylyqqa arnalǵan qarý tárkilendi.
«Atalǵan fakt boiynsha QR ÁQBtK-niń 73-shi baby boiynsha is qozǵalyp, Nur-Sultan qalasy boiynsha Mamandyrylǵan aýdanaralyq ákimshilik sotyna joldandy», - dedi departamentten.
Eske sala ketsek, elordada «Ýchaske» jedel aldyn-alý is-sharasy jalǵasýda. Onyń maqsaty - qylmys pen quqyq buzýshylyqty aldyn-alý boiynsha azamattarmen túsindirý áńgimelerin ótkizý. Jedel aldyn-alý is-sharasy bastalǵaly ýchaskelik inspektorlar 263 myńnan astam úidi aralap shyqty.
